Aqtaý turǵyny er adamdy aıdalada uryp óltirip, sol jerge kómip ketken. Ol 19 jylǵa sottaldy. Bul týraly Mańǵystaý oblysy qylmystyq ister jónindegi mamandandyrylǵan aýdanaralyq sotynyń tóraǵasy Azat İzbasarov aıtty, dep jazady Qamshy.kz aqparat agenttigi Lada.kz saıtynyń deregine súıenip. 

Temirlan (aty-jóni ózgertilgen) óz ulyn Mańǵystaý oblysynyń turǵyny Marat esimdi jigit óltirdi dep kúdiktengen.  

Temirlan kúdiktini urlaý maqsatynda tanysy Tımýrdan kómek surap, úsh myń AQSH dollaryn beretinin aıtady. Tımýr úsh er adamdy jaldaǵan.   

Óltiremin dep qorqytqan soń "kúdikti" Temirlannyń ulyn óltirgenin moıyndaıdy. Osydan keıin Temirlan quqyq qorǵaý organdaryna habarlasyp, Marat qylmysty moıyndaǵanyn aıtady. Degenmen polıseıler Maratty qamaýǵa almaǵan.  

Keıinirek Temirlan Maratty ekinshi ret urlap áketken. Ol úshin sybaılastaryna tórt mıllıon teńge berýge ýáde etken. Maratty taǵy da elsiz jerge alyp keledi. Bul joly Marat Temirlannyń ulyn óltirgenin moıyndamaıdy. Sodan keıin Temirlan ony uryp óltirgen. Máıitti sol jerge kómip ketken.  

Kisi óltirgeni úshin Temirlan 19 jylǵa, al sybaılastary 16 jylǵa sottaldy. Úkim zańdy kúshine endi.