Lıvıanyń iri qalalarynyń biri Benǵazyda túrme tutqyndaryn kóshege shyǵaryp eldiń kózinshe atyp tastaǵan. Oqıǵanyń bolǵan jerinen túsirilgen vıdeony Al Arabiya basylymy jarıalaǵan dep habarlaıdy Qamshy.kz aqparat agenttigi.

Vıdeoda kók jumys kıimin kıgen toǵyz er adam  kózderi jumýly kúıde tizerlep otyrady. Sálden soń adamdardyń jerde qansyrap jatqanyn kórýge bolady. Ólim jazasyna kesilgenderdiń denelerin, jınalǵandardyń kózinshe kólikke tıep alyp ketken.

Basylymnyń málimetinshe, er adamdar meshittiń janynda atylǵan.

Aıta keteıik, 23 qańtarda osy jerde terakt bolyp, 35  adam kóz júmǵan. Ólim jazasyna kesilgenderdiń kimder ekeni ázirge belgisiz.

Lıvıany qoldaýshy BUU mısıasy «aıaýsyz» qyrǵynǵa qatty alańdýly ekenin jetkizgen. «Er adamdardy jappaı ólim jazasyna keskender  halyqaralyq quqyq boıynsha jaýapkershilikke tartylatyn bolady»,-deıdi BUU.