"Qazaqfılm" kınostýdıasynyń jańa prezıdenti taǵaıyndaldy. Ol - Qazaqstanǵa eńbegi sińgen qaıratker, aqyn, senarıshi, kınorejısser, qazaq ádebıetiniń ataqty aýdarmashysy Baqyt Qaıyrbekov, - dep habarlaıdy Tengrinews.kz.
"Qazaqfılmniń" jańa basshysy Ortalyq komýnıkasıalar qyzmetinde "Qazaqstan Respýblıkasynyń mádenı saıasatyndaǵy eń ózekti mindetter" degen taqyrypta ótken brıfıń barysynda tanystyryldy. Baqyt Qaıyrbekov jýrnalıserge qazir Qazaq handyǵynyń qurylý tarıhy týraly 10 serıalyq kórkem jáne derekti fılm túsirilimine daıyndyq jumystary júrip jatqany týraly aıtty.
"Ol (fılm - Avtor.) - bireý, tek 10 bólimnen turady. Bizdiń tuńǵysh ret tek albyrt qana Ábilqaıyr nemese Abylaı mynandaı bolǵan demeı, kóshpeli ómirdiń ereksheligi týraly keńinen aıtyp, bizdiń kóshbasshylardyń kórshi memleketterde bolyp jatqan jaǵdaılarǵa baılanysty qarsy tura alǵan saıasatynyń róli qandaı boldy jáne osy negizde Qazaq handyǵy qalaı qurylǵany týraly kórsetýge múmkindigimiz bar. Biz bul memleketti qurýǵa ne sebep bolǵany týraly aıtqymyz keledi", - dedi "Qazaqfılm" prezıdenti.
Aıta keteıik, Baqyt Qaıyrbekov - Máskeýdegi Maksım Gorkıı atyndaǵy Ádebıet ınctıtýty men KSRO-daǵy Goskıno atyndaǵy senarıshiler men rejıserlardyń joǵary kýrstarynyń túlegi. Ol ósip kele jatqan urpaqqa arnalǵan birneshe óleń jınaq pen kitaptyń avtory: "Kóshpendiler álemi. Qazaqsha etıket" jáne "Qazaq tiliniń qyzyqty etımologıasy". Buǵan deıin "Bilim jáne Mádenıet" telearnasyn basqarǵan. Mahambet Ótemisov syılyǵynyń laýreaty, "Qurmet" ordeniniń ıegeri, "Birge jeńdik" İİİ halyqaralyq telekınofestıvalinde "316-aıa strelkovaıa" kınolentasymen gran-prıdi ıelendi.
Eske sala keteıik, Sháken Aımanov atyndaǵy "Qazaqfılm" kınostýdıasynyń burynǵy prezıdenti Ermek Amanshaev 2014 jyly jeltoqsanda Astana ákiminiń orynbasary bolyp taǵaıyndaldy. Ol stýdıany 2008 jyldan bastap basqardy.
tengrinews.kz
