Qazirgi tańda qazaqstandyq tanymal voleıbolshy Sabına Altynbekova sport áleminen kóptegen usynystar qabyldap jatyr. Sonyń biri Sabına Altynbekova Indonezıada áıelder arasyndaǵy voleıboldyń damýyna úles qosýy múmkin.
Indonezıada bul sport túrine degen qyzyǵýshylyq bolmaǵandyqtan, voleıboldan áıelder komandasy 2011 jyly jabylyp qalǵan edi.
Biraq 2014 jyldyń sońynda Indonezıa voleıbol federasıasyna Pertamina atty munaı-gaz kompanıasy demeýshilik jasaı bastady. Bul kompanıa eldegi voleıboldy qaıta damytýǵa umtylyp, tipten,Sabına Altynbekovany shaqyrýdy da kózdep otyr.
"Biz qajet bolsa Sabına Altynbekovany alyp kelýge tyrysamyz. Biraq ony alyp kelsek, ol klýbtardyń birinde oınamaýy múmkin. Bul arqyly bir klýb kúsheıip ketedi. Onyń ústine, onyń turǵylyqty jerimen qıyndyqtar týýy múmkin, sondyqtan ony shaqyrý úshin qosymsha qarjy qajet bolady, biz aldymen Sabınany osy jyly qonaq retinde shaqyrmaqpyz. Onyń Indonezıada kórermeni kóp, sol úshin Indonezıada áıelder arasyndaǵy voleıbolǵa degen qyzyǵýshylyq oıanady dep úmittenemin,»-deıdi Pertamina kompanıasynyń marketıń jónindegi dırektory Ahmad Bambang.
Aıta ketelik, 18 jastaǵy sulý da symbatty voleıbolshy qyz Sabına Altynbekova Azıada 2014 jyly tanymal bolǵan edi. Sondaı-aq bul azıa chempıonatynda onyń sulýlyǵyna ásirese japon jankúıerleri men jýrnalıseri nazar aýdaryp, budan keıin qazaqstandyq jas sportshy ataqty bola ketti. Tipten japondyqtar arnaıy Sabına Altynbekovaǵa arnap fan –klýbtardy da ashyp úlgerdi.
Sonymen qatar, taıaýda sportshy qyz Tokıo qalasyna voleıboldan Japonıada ótetin chempıonattyń aıasynda bolatyn sharalarǵa shaqyryldy. Kezdesý aıasynda Sabına Altynbekova japon sportshylarymen tájirıbe almasty.
Nazerke Toǵjanova Derekkóz: tengrinews.kz
