«Jahandaný dáýirindegi sıfrlyq kún tártibi» forýmynda QR Premer-mınıstri Baqytjan Saǵyntaev sıfrlyq kún tártibi aıasynda Qazaqstannyń atqaryp jatqan jumysyn baıandady, dep habarlaıdy Qamshy.kz aqparat agenttigi.

–Qazaqstan eki jyl úkimet bolyp sıfrlyq kún tártibi aıasynda ómir súredi. Menińshe, biz ketip bara jatqan poıyzǵa ilestik. Kýpege jetkende áriptesterimzdi kórdik. Endi biz bir-birimizdi qoldap, birge qozǵalyp kelemiz. Elektrondyq qyzmetter týraly on jyl buryn engize bastadyq. Búgingi kúngi múmkindikterge qarasaq, biz qoǵam suranysynan qalyp kelemiz. Sondyqtan ambsıalyq maqsattardy qolǵa aldyq. Memlekettik qyzmetterdiń 80 paıyzyn elektrondyq nusqaǵa aýystyrýdy kózdep otyrmyz. Aýyldarǵa, mektepterge jetkilikti ınetrnet múmkindikterin jdasadyq. 2020 jylǵa deıin barlyq bazalyq eldi mekenderdi ınternetpen qamtamasyz etemiz. Bul jerde bilim deńgeıi de qalys qalmaýy kerek, árıne.

Sıfrlandyrýdan qalsań, tas dáýirinde qalǵandaı bolasyń. Sol sebepti osy máseleni qolǵa alyp, barlyq salany osy baǵdarlamaǵa qaraı buryp kelemiz. Eger barlyq baǵyttar boıynsha jyljysaq, mejege jetemiz. Ol úshin tıisti eko júıe kerek», – dedi Saǵyntaev.

Byltyr Qazaqstannyń úshinshi jańǵyrýy iske qosyldy. Indýstrıaldandyrý baǵdarlamasy da sátti iske asyrylýda. Saǵyntaevtyń aıtýynsha, ındýstrıalandyrý artyqshylyqtaryn qoldana otyryp, neǵurlym ınovasıalyq bola túsedi jáne Nazarbaev ýnıversıteti, AHQO jáne halyqaralyq AT tehnopark sıaqty ınovasıalyq ortalyqtardyń aınalasyna shoǵyrlanatyn bolady.

–Infraqurylymdardy barynsha qalyptastyryp kele jatyrmyz. Sondaı-aq tórt erkindikti alǵa tartyp otyrmyz. Birinshiden, sıfrlyq qyzmetterimizdi basqa elderge qol jetimdi etýimiz kerek. EKSPO aýmaǵynda IT HUB qurdyq. Ony jarty jyldan keıin iske qosamyz. Ol týraly zańdar shyǵaryldy. Absolútti aǵylshyn tili negizindegi zań qabyldandy. Sol arqyly álemdegi talanttardy tartýdy kózdep otyrmyz. Osy týrasynda kóp jumys atqaramyz.

Qaýipsizdik týrasynda da jumystar atqarylýda. Jalpy sıfrlyq platforma týrasynda aıtsaq, eshqandaı sheńber joq, shekteý joq, – dedi ol.

2 aqpanda Almatyda Qazaqstan Respýblıkasynyń Prezıdenti Nursultan Nazarbaevtyń bastaýymen «Jahandaný dáýirindegi sıfrlyq kún tártibi» atty halyqaralyq forým bastaldy.

Alqaly jıynǵa Armenıa, Belarýs, Qazaqstan, Qyrǵyzstan, Reseı, Ózbekstan jáne Tájikstan premer-mınıstrleri, sondaı-aq álemdik IT salysynyń mamandary jınaldy.