Búgin Qazaqstan Respýblıkasy Ulttyq ulannyń 5573 áskerı bóliminde 800 jas jaýynger Otanǵa adal qyzmet etýge saltanatty túrde ant berdi, dep jazady Qamshy.kz aqparat agenttigi.
Elimizdiń barlyq oblysynan jasaqtalǵan jas býyn eki aıǵa jýyq ýaqytta arnaıy daıyndyqtan ótti.
Sharaǵa áskerdiń ardagerleri, áskerı vedomstvolar men atqarýshy bılik organdarynyń ókilderi, sonymen qatar jas jaýyngerlerdiń ata-analary men jaqyndary qatysty.
Sapqa qosylǵan jas sarbazdar endi ózge áskerı qyzmetshilermen birge Astananyń qoǵamdyq tártibi men qaýipsizdigin qamtamasyz etý mindetterin oryndaıdy.
–Jaýyngerlerge qalanyń 20 jyldyq mereıtoıyna arnalǵan barlyq mańyzdy is-sharalar kezinde qaýipsizdikti qadaǵalaý mindeti júkteledi. Biz olarǵa osy mindetterdi adal da abyroımen atqarady dep úmit artamyz, – dedi quttyqtaý sózinde qurama komandıri polkovnık S. Shekarbekov.
Elordanyń aıazyna qaramaı jas sarbazdarǵa saltanatty sátte qoldaý kórsetý úshin bólim aýmaǵyna 2500-den astam ata-ana men týǵan-týystary keldi. Olar óz perzentteriniń saltanatty sherýmen ótken, Otan qorǵaýshysy atanǵan sátine kýá boldy.
