Máskeýde úsh myńnan asa páter qysqa ýaqytqa, ıaǵnı birneshe saǵatqa nemese bir kúnge jalǵa beriledi. Eldiń asatanasyna kelýshiler  úshin de, máskeýlikter úshin de qysqa ýaqytqa páter jaldaý yńǵaıly. Páter ıelerine bul bıznesten jaqsy qarajat túsedi.  Alaıda osyndaı páterlerdiń janynda turatyn kórshiler azap tartady, dep jazady Lenta.rý.

Jalǵa páter alý bıznesimen kúresýdiń zańdy joldary joq. 42 jastaǵy Tatána óziniń qart anasymen jáne 11 jastaǵy ulymen birge  eski úıde turady. Bul páter oǵan atasynan qalǵan mura jáne munda onyń birneshe urpaǵy turǵan. Ústińgi qabatta turatyn Tatánanyń kórshisi áıeldiń ómirin tozaqqa aınaldyrǵan. Sol sebepti amaly taýsylǵan  áıel  óz úıinen kóshkisi keledi.

Áıeldiń aıtýy boıynsha, osy páterde qansha tursa da, kórshiler arasyndaǵy daý-damaı tez ári jeńil sheshiletin. Alaıda podbarlyq kempir-shaldar kóz jumǵan soń, úılerdiń birshamasy olardyń balalary men nemerelerine kóshken.

"Podezde 3 páter jalǵa beriledi, biraq olardyń turǵyndary tynysh, uzaq qonaqtaıdy, barlyǵyn tanımyn. Al 5-qabattaǵy bireýi tup-týra bordelge aınalyp ketti.

Eń qyzyǵy, bul páter baıaǵyda bir mektepte oqyǵan, qurdasymnyń úıi. Bala kezde dos bolyp, bir úıirmelerge qatysqanbyz. Al endi mine, ómir degen qalaı... Ol meniń qas jaýyma aınaldy",-deıdi áıel.

- Kópshiligi bizdiń jaǵdaıdy túsine almaıdy. Sebebi táýlik saıyn jalǵa beriletin páterdiń janynda turyp kórmegen. Osy jyldyń ózinde úıdi eki ret sý basty, bir ret órt shyqty, birneshe ret polısıa aralasqan daý-damaıdy bastan ótkerdik. Otbasylar, týrıser, shet jaqtan kelgender jalǵa alsa, bir sári. Qarsy bolmaıtyn edim. Biraq myna páterge kimder ketip, kimder kelmeıdi. Bir joly polısıamen páter ishine kirip kórdim. Shyn aıtsam, balalardy bul jerden 100 metr aýlaq ustaıtyn edim. Páterdiń ishinde jıhaz da joq, qonaq bólmede úlken teledıdar men eki alpamsadaı óleń tyńdaıtyn kolonkalar tur eken. Bólmeler qyzyl túske boıalǵan-,deıdi áıel.

- Múldem uıyqtamaımyn desem, artyq aıtqanym emes. Tún saıyn páterde aıqaı-shý, qyzdardyń shyńǵyrǵan daýsy, urys-keris, bı. Jumys kúnderi keıde tynyshtalyp qalady, al demalys kúnderimiz «óte kóńildi» ótedi.  Jazda úıdi tastap, shet jaqa demalýǵa ketemiz.

Meniń 11 jastaǵy ulym keremet kórshilerimizdiń «arqasynda» jezókshe degen kim ekenin olardyń  qandaı bolatynyn biledi. Kóp jaǵdaıda qyzdar baspaldaqta otyryp jylaıdy, temeki shegip otyrady, keıde qarqyldap kúlip jatady. Páter ishindegi sýdy óshirmeı ketip jatady, sonyń saldarynan meniń úıimniń tóbesi sarǵaıyp, jarylyp ketken.

Árıne, páterdi jalǵa alatyn adamdarmen de, onyń ıesimen de talaı ret kelisimge kelýge tyrystyq. Jalǵa berýshiler kóp degende keshirim surap qutylady da, ary qaraı óz degenderin isteı beredi. Al páter ıesine keletin bolsaq, baıaǵyda  meniń kóz aldymda qalǵan jaqsy baladan eshteńe qalmaǵan, qazir ol barlyǵyna nemquraıly qaraıtyn  jigitke aınalǵan. Keıde aıtqandarymyzdy múldem estimgen keıip tanytady. Bir joly anamdy boqtap tastady.  

Polısıa bizge kelip sharshady, sebebi olardyń qolynan eshteńe kelmeıdi. Keledi de, páterdi jaldaýshylardyń qujattaryn tekseredi. Qatty shýlamaýdy ótinedi, boldy.

Bir joly páterde bireýdi zorlap jatqandaı daýystar estildi. Biz qatty shoshyp ketip polısıa shaqyrdyq. Qyz úshin qoryqtyq. Alaıda páterdegi qyz onda óz erkimen kelgenin aıtty da, biz bolsaq quqyq qorǵaý organdarynyń aldynda aqymaq bolyp qaldyq, - deıdi ol.

Qazir áıel uly, anasymen birge jańa úı izdep jatyr.

"Sebebi mundaǵy aıqaı-shýjan sharshadyq. Páterdi satýymyzdyń sebebin úıdi satyp alýshylarǵa ne dep túsindiremiz. Ótirik aıtqan uıat, alaıda shyndyqty aıtsaq páterdi eshkim satyp almaýy da múmkin. Árıne, men, anam, ulym týys ósken páterdi de qımaıdy ekensiń"...- deıdi áıel.