12 aqpan «Ózin-ózi taný» rýhanı-adamgershilik baǵdarlamasynyń avtory Sara Alpysqyzynyń týǵan kúninde respýblıkanyń barlyq bilim berý uıymdarynda oqý kúniniń birinshi jáne ekinshi aýysymdary «Ózin-ózi taný» sabaǵymen bastalady dep habarlaıdy Qamshy.kz aqparat agenttigi QR Bilim jáne ǵylym mınıstrliginiń baspasóz qyzmetine silteme jasap.
«Ózin-ózi taný» rýhanı-adamgershilik baǵdarlamasynyń avtory jáne rýh berýshi Sara Alpysqyzynyń bastamasy boıynsha respýblıkanyń barlyq óńirlerdegi 71 bilim berý uıymda jalpy oqý-tárbıe prosesinde «Ózin-ózi taný» rýhanı-adamgershilik bilim berý baǵdarlamasyn biriktirý jónindegi joba júzege asyrylýda.
«Ózin-ózi taný» baǵdarlamasyn júzege asyrýdyń osy kezeńiniń erekshiligi «Rýhanı jańǵyrý» qoǵamdyq sanany jańǵyrtýǵa jáne qazaqstandyq qoǵamdy rýhanı qaıta órkendetýge baǵyttalýymen aıqyndalady.
Baǵdarlama oqýshylardyń keń aýqymdy áleýmettik rolderdi, ómirlik jáne bilim berý strategıalardy, erekshe moraldyq-qundylyq baǵdarlarǵa basshylyq jasaýdy meńgerýge baǵyttalǵan jáne otbasy ınstıtýtyn nyǵaıtý, qoǵamymyzdaǵy zorlyq-zombylyqty, sybaılas jemqorlyqty túbegeıli joıý sıaqty kókeıkesti máselelerdi sheshýge múmkindik beredi.
