2018 jylǵy sáýir aıynan bastap elimizde ekologıa taqyrybyna arnalǵan telearna jumys isteıtin bolady, dep jazady Qamshy.kz aqparat agenttigi Qazaqparat málimetine súıenip. 

Bul týraly «Jańartylǵan energıa kózderi týraly qoldanystaǵy zańnamaǵa ózgerister men tolyqtyrýlar engizýdiń konseptýaldyq negizderin talqylaý» atty respýblıkalyq ǵylymı konferensıada «Baıtaq Bolashaq» RQB prezıdenti Azamathan Ámirtaı málim etti.

«Biz ekologıa taqyrybynda telearna ashýdy jón kórdik. Telearnanyń negizgi kontenti jastarǵa baǵyttalady. Nelikten jastarǵa ekenin de aıta keteıin. Jastar men jasóspirimder ekologıa taqyrybymen jıi aınalysady ári belsendi bolyp keledi. Olardy osy maqsatqa tereńirek baýlysaq jaqsy nátıje beredi dep oılaımyz», - dedi A.Ámirtaı.

Ekologıalyq aláns prezıdentiniń aıtýynsha, telearna ashýǵa qazirgi ýaqytta barlyq jaǵdaı jasalǵan.

«Telearna ashý úshin tıisti jıilikti satyp aldyq. Tehnıkalyq daıyndyqtary júrip jatyr. Aldaǵy sáýir aıynda otandastarymyz jańa telearnany tamashalaıtyn bolady», - dedi ol.

Sonymen qatar, atalǵan jıyn kezinde esep bergen Azamathan Ámirtaı ekologıalyq alánstyń «Taza el» atty gazeti de jaryqqa shyqqanyn atap ótti.

«Telearna ashardan buryn gazet ashyp ta kórdik. Jaqsy suranysqa ıe bolyp otyr. Qoǵamdy ekologıa máselesi beıjaı qaldyrmaıtyny qýantady», - dep sózin túıindedi uıym basshysy.