Búgin Almaty oblysy Tekeli qalasynda    jańa sot ǵımaratynyń tusaýy  kesildi dep habarlaıdy Qamshy.kz aqparat agenttigi. 

Jańa ǵımarattyń ashylý rásimine Joǵarǵy Sot, oblystyq ákimdik jáne sot ókilderi, qaladaǵy mekeme, kásiporyn basshylary, quqyqqorǵaý organdary, ardagerler, qala turǵyndary qatysty. Ǵımarattyń salynýyna respýblıkalyq búdjetten barlyǵy 231 mln teńge bólingen. Jańa ǵımaratta  azamattyq jáne qylmystyq isterdi qaraıtyn eki sot zaly, sýdıalar kabıneti men oqý bólmesi bar. Budan bólek, prokýratýra, qorǵaýshy jáne oblystyq sotpen onlaın rejıminde konferensıa ótkizýge arnalǵan arnaıy bólmeleri de bar.

Almaty oblystyq sotynyń tóraǵasy Meırambek Taımerdenov Tekeli qalalyq sotynyń qyzmetkerlerin sapaly, zamanaýı tehnologıaǵa arqa súıeı, respýblıkalyq búdjet esebinen salynǵan jańa ǵımaratqa kóshýlerimen quttyqtap, táýelsizdik jyldarynda elimiz qol jetkizgen tolaǵaı tabystar sot júıesine de oń áserin tıgizgenin, Joǵarǵy Sot bekitken tıptik joba boıynsha salynǵan bul ǵımaratta sottyq daýlar qaralatyn nysan sanattarynyń barlyq talaptaryna saı ekenin atap ótti.