Qyzylorda oblysy, Qazaly aýdanynda bir búıirinde «Alla» jáne «Muhammed» degen jazýy bar qozy ómirge keldi, dep habarlaıdy Qamshy.kz aqparat agenttigi qazaly.kz saıtynyń deregin negizge ala otyryp.

«Qazaly qalasynda turatyn Azamat Nurmahanovtyń shańyraǵynda bir búıirinde «Alla», bir búıirinde «Muhammed» degen jazýy bar qozy týylypty. Búgin bul keremetti óz kózimmen kórip, sýretke túsip qaıttym», – dep jazady ol.

«Keshqurym mal óristen qaıtqan soń qoraǵa kirsem, býaz analyq qoı tolǵatyp júr eken. Bul qalypty jaǵdaı bolǵan soń, esh alańdamastan úıge kirip kettim. Tańǵa jýyq qoraǵa kelsem, mal tóldep, qozy týypty», – deıdi Azamat Ediluly.

Jańa týǵan qozynyń denesindegi aq belgini baıqaǵan ol tańǵajaıyp jazýdy birden Qazaly qalasyndaǵy «Jıenaly Ahýn» meshitiniń ımamy Bolatbek Naýryzbekovke kórsetken. Imam qozynyń ústindegi «Alla jáne Muhammed» degen jazýlardy oqypty.

«Bul jaǵdaı Alla taǵalanyń bir, paıǵambarymyz Muhammedtiń (s.ǵ.s) haq, Quran kárimniń shyn ekenin aıǵaqtaıdy. Bir búıirinde “ «Alla», ekinshi búıirinde «Muhammed»  degen jazýy bar qozynyń Qyzylorda oblysynda alǵash ret qasıetti Qazaly jerinde týýy kezdeısoqtyq emes. Bul topyraq kıeli jer. Ýaqytysynda bul jerde júz meshit bolǵan», – deıdi Túktibaev aýylyndaǵy «Orynbet ıshan» meshitiniń bas ımamy Ǵabdýlla İzat.