Ońtústik Koreıada ótip jatqan HHIII qysqy Olımpıada oıyndarynyń úshinshi kúngi jalpy esebi boıynsha Qazaqstan 11-inshi orynda tur, dep habarlaıdy QazAqparatqa silteme berip Qamshy.kz aqparat agenttigi.

Qazaqstandyq sportshylardyń úshinshi jarys kúngi nátıjeleri Ulttyq olımpıadalyq komıtetiniń prezıdenti Galyshevany jeńisimen quttyqtady. Keshe frıstaılshy Iýlıa Galysheva el qorjynyna alǵashqy qola medaldy saldy. Sonyń nátıjesinde Qazaqstan Phenchhan Olımpıadasynda medal alǵan 11 memlekettiń tizimine endi. Qazirgi kórsetkish boıynsha, birinshi orynda Germanıa quramasy keledi. Olardyń enshisinde 3 altyn, 1 qola medal bar.

Ekinshi orynda - Nıderlandy eliniń sportshylary. Olardyń qorjynynda 2 altyn, 2 kúmis, 1 qola medal bolsa, úzdik úshtikti túıindep turǵan Norvegıada 1 altyn, 4 kúmis, 3 qola medal bar.

Al Qazaqstan medaldyq kestede ázirge 11-inshi orynǵa ornalasyp otyr. 11-inshi orynda sondaı-aq enshilerinde bir-bir «qoladan» bar Fınlándıa, Italıa jáne Olımpıada týy astynda óner kórsetip jatqan reseılik sportshylar bar. Olımpıadaǵa Qazaqstannan 46 sportshy 57 joldama jeńip alǵan bolatyn: bıatlonnan - 10, mánerlep syrǵanaý - 3, short-trek - 12, kónkımen syrǵanaý - 12, shańǵy jarysy - 7, frıstaıl-mogýl - 4, frıstaıl-akrobatıka - 5, taý shańǵy sporty - 2, tramplınnen sekirý - 1, shańǵy sporty - 1.   Baıraqty básekege 92 eldiń sportshylary qatysýda. Olar sporttyń 15 túrinen 102 medal jıyntyǵyn sarapqa salady.