Olımpıada oıyndaryndaǵy norovırýs ınfeksıasyn juqtyrǵandardyń sany 177 adamǵa deıin ósken, bul týraly uıymdastyrý komıteti málim etti, dep habarlaıdy Qamshy.kz aqparat agenttigi QazAqparatqa súıenip.
11 aqpan kúni aýrý juqtyrǵandardyń sany 158 adam bolatyn. «Jeksenbide atalǵan vırýs 177 adamnyń boıynan tabylǵan. Sońǵy táýliktiń ózinde ǵana aýyrǵandardyń sany 19 adamǵa ósken.
Dertke shalldyqqan 177 adamnyń 68-i tolyqtaı jazylyp, jumystaryna qaıta oraldy»,-delingen habarlamada. Norovırýs saldarynan Olımpıada qoǵamdyq tártibin kúzetetin 1200 adam jumystarynan bosatyldy.
