Qazaqstan Prezıdenti Nursultan Nazarbaev Reseı Prezıdenti Vladımır Pýtınge keshegi Máskeý mańynda ushaq jarylysynan qaza bolǵan jolaýshylar úshin kóńil aıtyp, telegramma joldady.

Aqordanyń baspasóz hatshylyǵy An-148 ushaǵynda qaza bolǵandar týraly habardy Nursultan Nazarbaevtyń tereń muńmen qabyl alǵanyn jetkizdi, dep jazady Qamshy.kz aqparat agenttigi. 

-Qazaqstan halqy atynan jáne jeke ózimniń atymnan qaza bolǵandardyń otbasy men týǵan-týystaryna jáne jaqyn adamdaryna kóńil aıtamyn,-dep jazylǵan telegrammada.

Eske sala ketsek, An 148 ushaǵy 11 aqpanda Domodedovadan 14:24-te Orynbordaǵy Or qalasyna jol tartyp, 14:28 shamasynda radardan joǵalyp, Máskeý mańyndaǵy Ramen aýmaǵyna qulaǵan.

Ushaqta 71 adam bolǵan, jarylystyń naqty neden týyndaǵany áli belgisiz.