Munaıly aýdandyq sotynda vokzal mańyndaǵy dámhana satýshysynyń ústine qaınaǵan maı quıyp jibergen aıyptalýshyǵa úkim shyqty, dep habarlaıdy Qamshy.kz aqparat agenttigi «Lada» gazetine silteme jasap. 

Sot 31 jastaǵy Qasym Jumahanovty QR Qylmystyq kodeksiniń 106-babynyń («Densaýlyqqa qasaqana aýyr zıan keltirý») 2-bóligi boıynsha aıypty dep tanyp, eki jylǵa bas bostandyǵynan aıyrý jáne materıaldyq zalal retinde 373 645 teńge mólsherinde ótemaqy tóleý jazasyna kesti.

Biraq jábirlenýshi Symbat Qozybaı jáne onyń týǵan-týystary sottyń bul sheshimine keliser emes. Olar úkimniń ústinen shaǵym túsirmek. «Biz emdeý úshin bir mıllıon teńgeden artyq shyǵyn shyǵardyq. Budan basqa, Symbatqa birneshe ret plasıkalyq ota jasalýy tıis. Osynyń bárine eń kem degende tórt mıllıon ketedi», - deıdi jábirlenýshiniń ápkesi Jańagúl Esturǵanova.

Al sottalýshynyń qorǵaýshysy búkil proses boıy oqıǵaǵa qaınaǵan maı toly qazan aınanyń aldynda turǵany úshin dámhananyń ıesi men Symbattyń ózin aıyptaýmen boldy. Eske sala keteıik, er adam tańǵy beste spırtti ishimdik satýdan bas tartqany úshin 20 jastaǵy boıjetkenniń ústine qaınap turǵan maıdy tógip jibergen bolatyn. Qyzdyń denesiniń 30% kúıik shalǵan.

Qyzdyń týystary kúdiktige qatysty «Buzaqylyq» babymen is ashylǵanyna qatty narazylyq bildirip, byltyrǵy qarashada ol oqshaýlaǵyshqa jiberilgen. Keıin QR İİM-degiler istiń basqa bappen júrgiziletinin málimdedi.