Memleket basshysy Astana qalasynyń ákimi Áset Isekeshevti qabyldady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap. 

Kezdesýde Qazaqstan Prezıdentine elordanyń áleýmettik-ekonomıkalyq damýy jáne Astananyń 20 jyldyǵyn merekeleýge daıyndyq barysy jóninde málimdeldi.

– 2017 jyldyń qorytyndysy boıynsha qalanyń áleýmettik-ekonomıkalyq damý kórsetkishi 2 esege jýyq artty. Ónerkásip 7 paıyzǵa ósti. Sońǵy bes jyl ishinde 46 ındýstrıaldyq joba bir trıllıon teńge kiris ákeldi, – dedi Áset Isekeshev.

Sondaı-aq, Nursultan Nazarbaevqa negizgi kapıtalǵa tartylǵan jeke ınvestısıalar kólemi ulǵaıyp, esepti kezeń ishinde onyń úlesi 70 paıyz bolǵany týraly baıandaldy.

– Ótken jyly 2,4 mıllıon sharshy metr turǵyn úı salynyp, rekordtyq kórsetkishke qol jetkizilgen edi. Biz qazir jeke ınvestorlar men ulttyq kompanıalar esebinen qalanyń tórt aýdanynda qurylys jumystaryn júrgizip jatyrmyz, – dedi Astana qalasynyń ákimi.

Á.Isekeshev Nursultan Nazarbaevqa elordadaǵy ınfraqurylymdyq jobalardyń iske asyrylý barysy men Astana mańynda jańa joldar salý jospary jóninde málimdedi.

Memleket basshysy elordada basqa óńirlerdiń ákimdikterimen birlesip salynǵan birqatar áleýmettik nysannyń qurylysyna qatysty jumystardy oń baǵalady.

Qazaqstan Prezıdenti kezdesý sońynda naqty tapsyrmalar berdi.