Qazaqstandyq mánerlep syrǵanaýshy Denıs Ten Phenchhandaǵy Olımpıada oıyndarynda jarys jolyn aıaqtady, dep 24.kz-ke súıene otyryp jazady Qamshy.kz aqparat agenttigi.
Ol qysqa baǵdarlamadan soń fınalǵa óte almady. Bul jóninde sportshynyń ózi Instagram-da bylaı dep pikir bildirdi.
«Búgin men úshin jarys joly aıaqtaldy. Ómirimniń kezekti bóligi de támam. Jarty jyl buryn aýrýhanaǵa túskende, Koreıaǵa Olımpıadaǵa qatysý úshin orala almaımyn ba dep qoryqqanmyn. Bul maýsymdy tek bir maqsat úshin – Phenchhan 2018-ge tap bolýǵa arnadym. Bári oıdaǵydaı bolmasa da, oıyndarǵa qatysýymnyń ózin jetistik dep bilemin jáne munymen maqtanamyn. Bárine birden qol jetkizgim kelgen. Sol úshin densaýlyq, kúsh, nazardy qurbandyqqa shaldym. Bári birdeı aqtalǵan joq, azdaǵan ókinish te bar», – deıdi Ten.
Sóz sońynda Denıs Iýlıa Galyshevany júldesimen quttyqtap, qazaqstandyq ózge sportshylarǵa sáttilik tiledi.
