Phenchhan olımpıadasynda mánerlep syrǵanaýdan erler arasyndaǵy jekeleı synda japonıalyq Iýdzýrý Hanú jeńiske jetti. Ol qos baǵdarlama qorytyndysy boıynsha 317,85 upaı jınady, dep jazady Qamshy.kz aqparat agenttigi.
Kúmisti taǵy bir japonıalyq Shomo Ýno aldy - 306,90. Al qola medaldy ıspanıalyq Haver Ernandes ıelendi - 305,24. Qazaqstandyq Denıs Ten 27-orynnan asa almady.
Hanú 2014 jyly Sochı olımpıadasynda da chempıon atanǵan. Tórt jyl buryn qos baǵdarlama boıynsha 280,09 upaı jınaǵan. Kúmisti kanadalyq Patrık Chan (275,62), qolany qazaqstandyq Denıs Ten (255,10) alǵan edi.
Phenchhan olımpıadasy 25 aqpanda aıaqtalady.
