Semeıde 5 myń orynǵa arnalǵan «Abaı Arena» mádenı jáne oıyn-saýyq sport kesheniniń qurylysy bastaldy.

Shyǵys Qazaqstan oblysynyń ákimi Danıal Ahmetovtiń jumys sapary barysynda «Fırma «Azıa» JSHS alǵashqy qurylys jumystaryna kiristi.

«Abaı Arena» Semeıde jańadan salynyp jatqan Qaraǵaıly shaǵyn aýdanynda boı kótermek. Jańa aýdannyń qaq ortasyna salynatyn ǵımarat kólemi jaǵynan da, sáýleti jaǵynan da erekshe bolady dep kútilýde. Munda búginniń ózinde «Báıterek Development» AQ jáne «Ertis» áleýmettik-kásipkerlik korporasıasynyń turǵyn úı baǵdarlamalary boıynsha salynǵan kópqabatty birneshe úı paıdalanýǵa berilýde. 2018 jyldyń sońyna deıin kóppáterli taǵy onshaqty turǵyn úı iske qosylatyny josparlanýda.

«Eger qazaqstandyq mamandar úlgermeı jatsa nemese smeta boıynsha qarjylary jetpeı jatsa sheteldik kompanıalardy tartyńdar», - dedi oblys ákimi Danıal Ahmetov.

Atap ótilgendeı, eń áýeli, qurylysshylarǵa arnalǵan  200 oryndyq jataqhana salynatyn boldy. Olar 4 ýaqyt ystyq tamaqpen qamtamasyz etilmek.