Almaty soty Damırbek Asylbek ýýlý men onyń eki otandasyn eki aıǵa tutqyndaýǵa sanksıa da bergen.
KTK jańalyqtarynyń málimetine súıensek, Bas prokýratýra, Ulttyq qaýipsizdik komıteti, Jemqorlyqqa qarsy Búro birigip ótkizgen operasıa kezinde bizdiń shekaraǵa jaýapty laýazymdy shendiler de quryqtaldy.
Bas prokýratýra taratqan vıeoda arnaıy jasaqtyń qarýly jigitteri meıramhana ne, qonaq úıdiń vıp-bólmesine basyp kirip, ústel basyna jaıǵasqan kúdiktilerdi shetinen ustap jatyr. Qolǵa túsken 35 azamattyń osaly joq. Bári memlekettik shekarany maı shelpekke aınaldyrǵan laýazymdy shendiler. Úsheýi Qyrǵyzstan azamaty. Olardyń arasynda qyrǵyz Joǵary keńesiniń depýtaty da bar. Almaty soty Damırbek Asylbek ýýlýyn eki aıǵa abaqtyǵa qamady. Bas prokýratýra 37 jastaǵy halyq qalaýlysynyń naqty qandaı qylmysqa qatysy baryn jarıalaǵan joq. Al «Qyrǵyzstan» partıasynyń fraksıasy osy oqıǵaǵa qatysty shuǵyl keńes ótkizip, málimdeme jasady.
–Asylbek ýýlý Damırbek «Qyrǵyzstan» partıasynyń belsendi múshesi. Ol Qyrǵyzstan atynan túrli jarystarǵa qatysyp, sport salasyna úlken úles qosqan. Depýtattyń taǵylǵan aıypqa esh qatysy joq degen aldyn ala aqparat bar. «Qyrǵyzstan» partıasynyń parlamenttik fraksıasy Qazaqstannyń Syrtqy ister mınıstrilgi jáne quqyq qorǵaý organdarymen tyǵyz baılanysta. Biz bul máseleniń oń sheshiletine senemiz, – delingen málimdemede.
Negizi, ustalǵandardyń barlyǵy shekarada kontrabandamen aınalysqan degen aıyp taǵylǵan.
–Qazaqstanǵa kontrabandalyq taýar Qytaıdan tikeleı, sondaı-aq, Qyrǵyzstan arqyly kedendik ákimshilendirýdiń kóleńkeli syzbasyn, jalǵan qujattardy jáne tómendetilgen mólsher qoldana otyryp ákelingen. Kúdiktilerge kedendik rásimdeý jáne júkti alyp júrýdi qamtamasyz etetin Kedendik organdar men Shekara qyzmetiniń keıbir laýazymdy tulǵalary kómek kórsetken. Taýarlar Qazaqstannyń iri qalalary men RF joldanyp otyrǵan, - dedi QR Bas prokýratýrasynyń resmı ókili Oksana Loskýtova
Iaǵnı, zańsyz taýar tasymalyna jol ashyp berip otyrǵan shekara basshylarynyń ózderi eken. Olar turaqty túrde qomaqty aýyzbastyryq alyp kelgen degen kúdikke ilinip otyr. Bas prokýratýranyń málimetinshe, seziktilerdiń qatarynda keden jáne quqyq qorǵaý organdarynyń laýazymdy qyzmetkerleri, brokerler, deldaldar, qylmys áleminiń serkeleri de bar. Arnaıy operasıa barasynda quzyrly organ qyzmetkerelri Almaty, Jambyl, Ońtústik Qazaqstan oblystary men Almaty qalasynda Qytaı, Qyrǵyzstan, Ózbekstanmen shekarasyndaǵy 9 keden beketterin myqtap matap alǵan 8 qylmystyq topty anyqtaǵan.
Ustalǵandardyń barlyǵy tergeý abaqtysynda otyr. Kúdiktilerden qyrýar AQSH dollary, teńge, qymbat zergerlik buıymdar men kedendik deklarasıa tabylǵan. Jáne shekarada júk tıelgen eki avtokólik te toqtatyldy.
