Ońtústik Qazaqstan oblysynyń Túrkistan qalasynda esimi erekshe azamat turady jáne ol qazir sottalyp jatyr. Bul týraly Qamshy.kz aqparat agenttigi Otyrar.kz portalyna súıenip jazdy. 36 jastaǵy Aqpantoqpanturarqoja Janbekov bótenniń múlkin talan-tarajǵa saldy dep aıyptalýda.
Tergeý materıaldarynan belgili bolǵandaı, er azamat byltyr maýsym aıynda qalalyq emhanada mehanık qyzmetinde júrip, óziniń laýazymyn paıdalanyp, senip tapsyrylǵan iri kólemdegi bótenniń múlkin talan-tarajǵa salǵan. Keıin bul qylmysyn ol jalǵan qujat jasaý arqyly jasyrmaq bolǵan eken. Atap aıtqanda, Aqpantoqpanturarqoja quny 1 mln 200 myń teńgeden asatyn kólik janarmaıyn jaratyp jiberipti.
Kúdikti óz kinásin tolyqtaı moıyndap, prokýrormen prosesýaldyq kelisimge kelýge ótinish berip otyr. Sot úkimi endi shyǵady.
Aıta keteıik, Aqpantoqpanturarqoja Janbekovtiń esimi qazaqstandyqtarǵa 2013 jyly belgili bolǵan edi. Bázbireýler onyń jeke kýáligin sýretke túsirip, áleýmettik jelilerge taratyp jibergen.
