Qazaqstanda latyn álipbıine kóshý baǵdarlamasy qabyldanady, - dep habarlaıdy Qamshy.kz portaly. Bul týraly Mádenıet jáne sport mınıstri Arystanbek Muhamádıuly OKQ brıfıńinde málimdedi.
"2015 jyldan bastap Qazaqstanda latyn álipbıine kóshý baǵdarlamasy qabyldanady jáne ol kestege saı júrgizilip otyrady" dedi mınıstr A.Muhamádıuly.
Mınıstr túsindirip ótkendeı, másele bilim berý salasyna qatysty jáne atalǵan úderisti jedeldetýdiń qajeti joq, sebebi qajetti jaǵdaı áli jasalmaǵan. «Qazir, árıne, ǵalymdar bul máseleni jan-jaqty zertteý ústinde. Latyn jazýyn qazirgi qoldanystaǵy klavıatýra aıasynda engizý usynyldy. Alaıda, bizdiń ulttyq dybystyq qundylyqtarymyz qosymsha sheshimderdi qajet etedi. Bul ońaı emes, sebebi bizge halyqaralyq qaýymdastyqqa tabıǵı túrde ıntegrasıalaný qajet», - dep basa aıtty ol.
