Búgin Almaty qalasy Túrksib aýdanynyń qorǵanys isteri jónindegi basqarmasynyń murynbyq bolýymen 83 mektep-gımnazıasynda "Erlik - urpaqqa uran" taqyrybynda erlik sabaǵy ótkizildi. Sabaqta patrıotızmge erekshe kóńil bólindi, dep jazady Qamshy.kz aqparat agenttigi.

Atalǵan sharaǵa 83 mektep-gımnazıasynyń dırektory Nurǵalıeva Ajar Ǵazızqyzy, mektep dırektorynyń orynbasary Kazanseva Vera Vıktorovna, alǵashqy áskerı daıyndyq pániniń muǵalimi, aýǵan soǵysynyń ardagerleri, mektep oqýshylary qatysty. Mektep dırektory Nurǵalıeva Ajar Ǵazızqyzy: "patrıot degenimiz – Otanyn, halqyn, jeri men sýyn shynaıy súıetin, halyq múddesi úshin bar kúsh-jigerin, qabiletin aıamaıtyn adam.

Sonymen birge óz Otanyn, halqyn sheksiz súıe otyryp, barsha kúsh-jigerin Otan múddesine arnaǵan adamǵa tán tereń sezim" dep óz oıyn aıtty. Shara barysynda Qazaqstan Respýblıkasy prezıdenti N.Nazarbaevtyń "Qazaqstan – 2050" strategıalyq baǵdarlamasyndaǵy elimizdiń ulttyq qaýipsizdigi men táýelsizdigin, egemendigin tanytý týraly qadamdary talqylanyp, jastar patrıotızmniń qalyptasýyna nazar aýdaryldy Ásirese, patrıotızm - dál búgingi shaqta kóterilip otyrǵan mańyzdy máseleler qatarynda jastardy patrıottyq sezimge baýlyp, ósirý ózekti sanalady.

Taǵy aıtyp ketetin bolsaq, Almaty qalasy Túrksib aýdanynyń qorǵanys isteri jónindegi basqarmasy, Almaty qalasy Túrksib aýdanynyń ákimdigi mekteptermen tyǵyz baılanys jasap, únemi birge jumys atqaryp keledi.