Ál-Farabı atyndaǵy Qazaq Ulttyq ýnıversıteti men Qazaq Ulttyq agrarlyq ýnıversıtetinde eki stýdenttiń týberkýlezdiń ashyq túrimen aýyratyndary anyqtaldy. Bul jaıynda Qamshy.kz aqparat agenttigi.
Stýdenttermen sońǵy kezderi baılanysta bolǵan 50 stýdent týberkýlezge qarsy dıspanserge jiberildi.
Ál-Farabı atyndaǵy QazUÝ-da stýdenttiń aýrýǵa shaldyqqany medısınalyq tekseris barysynda anyqtalǵan.
«Aqpan aıynda týberkýlezdiń ashyq túrimen aýyratyn eki stýdent anyqtaldy. Bireýi ál-Farabı atyndaǵy QazUÝ stýdenti, ekinshisi QazATÝ stýdenti. Jalpy, 2017 jyly QazUÝ-da 5 stýdent anyqtalǵan. Bıyl da ol jaǵdaı azaımaı otyr. QazATÝ-da 2017 jyly eki týberkýlez stýdent anyqtalǵan bolatyn. Qyzdar pedagogıkalyq ýnıversıtetinde 2017 jyly 7 jaǵdaı tirkelgen. Týberkýlezben aýyratyn stýdentterdiń barlyǵy jataqhana turǵyndary», - dedi Almaty Qoǵamdyq densaýlyq saqtaý basqarmasynyń basshysy Aızat Moldaǵasımova.
Dárigerlerdiń aıtýynsha, joǵarǵy oqý oryndarynda týberkýlezdiń qaýipti formalarymen aýyratyn stýdentter shyǵyp turady. Onyń basty sebebi, adamǵa lyq toly ári eski jataqhanalar men las aýdıtorıalar.
Almatylyq sanıtarıalyq dárigerler qala prokýratýrasyna shaǵym túsirmek. Olar aýrý shyqqan oqý ordalarynyń basshylary men almatylyq stýdentter medısınalyq tekserýden ótetin ortalyqtardyń ákimshilik jaýapqa tartylýyn suramaq.
