Quryltaıda sóz alǵan aqyn Muhtar Shahanov Nurlan Orazalındi «Qorazalın» dep atady, dep habarlaıdy Qamshy.kz aqparat agenttigi. 

– Orazalın ulttyq múddege kelgenda Qorazalın boldy. Taýyqálın, Shójalınniń deńgeıinde samǵady. Ol bıliktegi basshylardyń týflıin sheberlikpen jalady. Onyń eńbegi sol. Bul da qazirgi zamanda úlken óner,  - dedi Muhtar Shahanov. 

Aqyn ádettegideı óleń oqydy. 

Aıta keteıik, buǵan deıin Nurlan Orazalındi Qabdesh Jumadilov te synaǵan edi. 

Nurlan Orazalın ózin synaǵandarǵa jaýap berdi. 

– Jınalysqa kelmeı syrttan ton pishý ózin Jazýshylar odaǵynan joǵary qoıatyn ulylyqtyń aýrýymen aýyrǵan adamdardyń ǵana qolynan keletin nárse. Uıqasty men de sizge aıtaıyn. Maǵan eki-úsh jyl buryn «Shahanov, Shakalov» degen hat keldi. Sizder eldi syılańyzdar, aǵaıyn. Meniń ákemde, meniń atamda, meniń talantymda eshqaısyńyzdyń sharýalaryńyz bolmasyn. Osy meniń eki aǵama bergen jaýabym, - dedi Nurlan Orazalın.