Qazaqstan Respýblıkasynyń Prezıdenti Nursultan Nazarbaev Reseı Federasıasynyń prezıdenti Vladımır Pýtındi ne úshin qurmetteıtinin aıtty.

Reseılik «Birinshi arnaǵa» bergen suhbatynda Elbasy Nursultan Nazarbaev eki el arasyndaǵy kóshbasshylardyń jaqsy qarym-qatynasta bolýy asa mańyzdy ekenin atap ótti. Sonymen qatar kóshbasshylar arasyndaǵy senim eki el arasyndaǵy senimge ákeledi.

«Vladımır Vladımırovıch Pýtın  2000 jyly prezıdent bolyp saılandy. Saılanǵan alǵashqy kúnnen bastap biz jaqsy qarym-qatynastamyz, jasyratyny joq jaqsy dostarmyz. Nege? Birinshiden, men onyń qalaı jumys isteıtinin baqyladym. Keńestik Odaq kezinen bastap men sekildi saıasattan mol tájirıbesi bolmasa da, Reseıdiń saıası jaǵdaıy ýshyǵyp turǵan kezde prezıdent boldy», -  deıdi N. Nazarbaev.

Sonymen qatar Nazarbaev Pýtınniń adamı qundylyqtaryn da aıtyp ótti.

«Pýtın – óz sózinde turatyn adam. Ol oılanyp sóıleıdi jáne óz sózinen eshqashan taımaıdy»,- dep baǵalady Nursultan Nazarbaev.

Elbasynyń aıtýynsha, Pýtın sekildi adammen jumys isteý kerek jáne syılaý kerek.

«Reseı Prezıdenttik saılaý ótkizgeli jatyr. Menińshe Reseı halqy durys sheshim qabyldaıdy», - dep túıindedi sózin Nazarbaev.

Aıta kestek, Reseıde Prezıdent saılaýy 18 naýryzda ótedi.