2018 jyly IýNESKO qaramaǵyndaǵy Halyqaralyq balalar shyǵarmashylyǵynyń festıvali jas sýretshilerge óz esigin «The Planet of ART» atty jańa esimimen aıqara ashady. Burynǵydan da qyzyqty oqıǵalar men master-klastarǵa toly jobanyń jańa sıkli Qazaqstan astanasy - Astananyń 20 jyldyǵyn atap ótýge arnalǵan jáne «Rýhanı Jańǵyrý» baǵdarlamasynyń aıasynda ótedi. Bıylǵy festıvál Azıa-Tynyq muhıty aımaǵyndaǵy 20-dan astam elderdiń beıneleý, qoldanbaly jáne basqa da óner túrleriniń 10 000-ǵa jýyq jas sheberlerin jınaýǵa ýáde beredi.
Qazaqstan aýmaǵynda jarys aǵymdaǵy jyldyń 1 aqpanynan 20 sáýirine deıig ótedi jáne 3-17 jas aralyǵyndaǵy búldirshinder men jetkinshekterdiń jumystaryn qabyldaıdy. Oryndaý tehnıkalary aıtarlyqtaı keń: «Astana – beıbitshilik qalasy» taqyrybynda oryndalǵan grafıka men qoldanbaly qolónerden shyǵarmashylyq sýretke túsirý men 3D modeldeýge deıin. www.unescoclubs.kz saıtynda baıqaý sharttarymen tanysa jáne onlaın ótinimdi toltyra alasyz.
1999 jyly IýNESKO sheshimi boıynsha Astana «Beıbitshilik qalasy» ataǵyna ıe boldy.
Baıqaýdyń qorytyndysy boıynsha festıváldiń jeńimpazdary anyqtalady: árbir qatysýshy memeleketten 5 adam, Qazaqstannyń ár oblysynan jáne respýblıkalyq mańyzy bar Almaty men Astana qalalarynan 5 adam jeńimpaz atanady.
Ár aımaqtyń jeńimpazdary maýsym aıynda Astanadaǵy jobanyń fınalyna shaqyrylady, onda olarǵa belsendilikti talap etetin bilim berý jáne mádenı baǵdarlama tanystyrylady. Birneshe kún boıy olar zamanaýı shyǵarmashylyq, bilim berý, beıbitshilik mádenıeti men halyqaralyq orta atmosferasyna batady. Balalar Qazaqstan elordasynyń mereıtoıyn toılaý kezinde óz elderiniń jas elshilerine aınalady.
Sonymen qatar, Festıvál aıasynda konkýrstyń jeńimpazdaryn marapattaý saltanaty ótedi jáne «The Planet of ART» álbomdyq serıasynyń «Astana – beıbitshilik qalasy» taqyryptaǵy kitaby kópshilikke tanystyrylady.
Uıymdastyrýshylardyń aıtýynsha, konkýrs tek áleýmettik maqsatta júzege asyrylady jáne qatysý tegin. Astana qalasynda 150 jeńimpazdyń fınalǵa kelýi de tolyǵymen baıqaý seriktesteriniń esebinen tólenetin bolady.
Aıta keterlik jaıt, «Álem balalary beıneleıdi» Halyqaralyq Festıvali 1999 jyly IýNESKO Bas Dırektorynyń usynýymen týyndady. Qazaqstandyq alǵashqy álbom Elbasynyń alǵysózimen sımvolıkalyq túrde ashylǵan.
Qazaqstan aımaǵynda on jyldan astam ýaqyt sátti jumys jasap kelgen jarys, 2010 jyly «Balalar Álemdi beıneleıdi. Ortalyq Azıa» ataýymen óziniń
geografıalyq taralymyn ulǵaıtyp, kórshiles elderiniń balalaryna óz oılaryn óner arqyly beıneleýge múmkindik berdi. Sonyń arqasynda is-shara IýNESKO-nyń Ortalyq Azıadaǵy turaqty programmalarynyń qataryna engizildi. Nátıjesinde joba 2012 jyly Nú-Iork qalasyndaǵy BUU shtab-páterinde tanystyryldy.
2016 jyly Azıa-Tynyq muhıty deńgeıine kóterilip, «Balalar Álemdi beıneleıdi. Azıa» jobasy óz órisin keńeıtti. Bul qadamnyń nátıjesinde Bangladesh, Vetnam, Úndistan, Qazaqstan, Qytaı, Koreıa, Qyrǵyzstan, Mońǵolıa, Nepal, Reseı, Tájikstan, Taıland, Túrkmenstan, Ózbekstan, Japonıa jáne basqa da elderdiń daryndy jastary jobaǵa qatysa alatyn boldy. Festıvál Almaty qalasynyń 1000-jyldyǵyna arnalyp, atalmysh jyly almalar qalasynyń mereıtoıyn toılaý aıasynda Parıj qalasyndaǵy IýNESKO shtab-páterinde halyqaralyq kópshiliktiń nazaryna taǵy da usynyldy.
Daryndy balalar men jastardyń odan da kóp sanyn qamtý úshin 2018 jyly joba «Balalar Álem yrǵaǵynda» atty Qazaqstannyń shyǵarmashyl jastarynyń Festıvalimen biriktirilip, «The Planet of Art» jańa ataýymen damýdyń jańa kezeńine aıaq basty.
IýNESKO qaramaǵyndaǵy «The Planet of Art» Halyqaralyq Festıvalin Qazaqstan Respýblıkasynyń Tuńǵysh Prezıdenti – Elbasy Qorymen birige otyryp Qazaqstandyq Ulttyq IýNESKO Klýbtarynyń Federasıasy uıymdastyrady. Joba Qazaqstan Respýblıkasy mádenıet jáne sport Mınıstrliginiń, bilim berý jáne ǵylym Mınıstrliginiń, syrtqy ister Mınıstrliginiń, Qazaqstan Respýblıkasynyń IýNESKO jáne ISESKO isteri jónindegi Ulttyq Kommıssıasynyń, Almatydaǵy IýNESKO Klasterlik Búrosynyń, Astana qalasy ákimdiginiń jáne birqatar iri kompanıalardyń qoldaýymen iske asyp otyr.
