Qaraǵandynyń ońtústik-shyǵysyndaǵy shaǵyn aýdanda qubyr jarylyp, kósheni ystyq sý basty, dep habarlaıdy tengrinews.kz. Kýágerlerdiń aıtýynsha, sý basqan aýmaq bir kılometrdi aldy.

- Qubyr jarylǵannan keıin Respýblıka kóshesine qaraı ystyq sý aǵylyp kelip jatty. Býdyń saldarynan kólik qozǵalysy qıyndady. Eshteńe kórinbeıdi, - deıdi júrgizýshi.

«Orbıta» shaǵyn aýdanynyń turǵyndary úılerinde qazir ystyq sý men jylý joqtyǵyn aıtyp, shaǵymdanyp jatyr.

«Qaraǵandy jylý tranzıt» JSHS-nyń habarlaýynsha, qubyrdyń jarylǵany keshe kúndiz saǵat tórtte anyqtalǵan.

- 2018 jyldyń 13 naýryzynda Respýblıka kóshesindegi qubyrda dıametri 720 mıllımetr aqaý tabylǵan. Sonyń saldarynan 144 kóp qabatty úı, úsh jer úı jáne 32 zańdy tulǵylardyń ǵımaraty ystyq sý men jylýsyz qaldy, - dedi kompanıa ókili.

Atalǵan kompanıa aqaýdy túzeý úshin eki apatty qalpyna keltirý toby qurylǵanyn habarlady.  Top 14 adamnan turady, olar 9 arnaıy tehnıkamen jumys istep jatyr.

-   Tabylǵan aqaý memlekettik «Nurly jol» baǵdarlamasy aıasynda qalpyna keltiriledi, dedi «Qaraǵandy jylý tranzıt» JSHS baspasóz qyzmeti.