Búgin elimizdiń Bas prokýratýrasy arnaıy málimdeme jasap, Áblázov pen onyń aıtaqshylarynan saq bolýǵa keńes berdi. Aıtýlarynsha, olarǵa qoldaý bildirip, qataryna qosylǵandar budan-bylaı qylmysker bolyp sanalady, — dep habarlaıdy KTK arnasynyń deregin negizge ala otyryp. 

Budan bylaı «DVK»-ny qarjylaı qoldap nemese uıymnyń atynan túrli mıtıń ótkizetinder 2 jyldan 17 jylǵa deıin bas bostandyǵynan aıyrylýy múmkin. Tipti, qozǵalystyń qataryna qosylmaı-aq, Áblázovtyń áleýmettik jelisindegi jazbasyn qoldap, laık basqandar da shatylýy yqtımal.

Sondyqtan, prokýrorlar qashqynnyń paraqshasyna jazylǵan azamattarǵa odan dereý shyǵyp ketýge keńes berdi.

«Qozǵalys týraly kez-kelgen jazbaǵa oń pikir qaldyrý, uıym týraly aqparat taratý da qylmys ekenin eskertemiz. Mundaı adamdarǵa 5 myń teńgege deıin aıyppul salynady nemese 2 jylǵa deıin túrmege jabylady», — deıdi Bas prokýratýranyń qylmystyq qýǵyndaý qyzmetiniń basshysy Erlan Abaev.

Qazirdiń ózinde prokýrorlar ekstremızmdi nasıhattaǵan Áblázov qozǵalysynyń 5 múshesin qamaýǵa alǵan. Biraq, olardyń kim jáne ne úshin ustalǵany ázirge qupıa.

Al BTA bankten 7 jarym mıllıard dollardy jymqyryp, syrttaı 20 jylǵa sottalǵan qashqyn olıgarhtyń ózi qazir Fransıada bas saýǵalap júr.