Aqtóbe oblysynyń TJD bastyǵy Baýyrjan Syzdyqov qaýipsizdikti qamtamasyz etý týraly aıtty. Aqtóbe sý qoımasyndaǵy №1 qutqarý stansıasyna barǵan kezde óńirdiń bas qutqarýshysy 181 Aqtóbe oblysynyń Azamattyq qorǵaý qyzmeti qurylǵanyn atap ótti.

«Kórshi oblystarda: BQO, Qostanaı jáne Qyzylorda oblystarynda ahýal kúrdelengen kezde Departament bólimshesi kómek kórsetýge daıyn. Ol úshin jeke quramnyń 28 adamy, 8 birlik tehnıka men 3 qaıyq daıyndaldy», - dep aıtty Aqtóbe oblysynyń TJD bastyǵy.

Aqtóbe oblysyndaǵy jaǵdaı ýshyqqan kezde basqa óńirlerden 227 adamy bar jeke quram, 35 birlik tehnıka men 12 júzý quraly mólsherinde kómek keledi dep kútilýde.

«Kúshterdiń kelýi birinshi eshalon 102 adam, 15 birlik tehnıka men 6 júzý quraly, ekinshi eshalon jeke quramy 125 adam  20 birlik tehnıka jáne 6 júzý quraly mólsherinde bolatyn eki eshalonmen iske asyrylady»,- dep sózin jalǵastyrdy Baýyrjan Syzdyqov.

Sondaı-aq, ol 181 qurylymda jeke quramy 2177 adam ekenin, olar 584 birlik tehnıkamen, sonyń ishinde, 200 birlik sý aıdaıtyn tehnıkamen, 149 motopompamen jáne 105 motorly qaıyqpen jabdyqtalǵan.

«Odan basqa QR İİM buıryǵyna sáıkes 346 adam men 45 birlik tehnıka kóleminde qosymsha kúshter men quraldar tartý kózdelgen. İshki ister departamentinen 286 adam, 41 birlik tehnıka jáne Ulttyq ulannyń 6655 áskerı bóliminen 60 adam, 4 birlik tehnıka kútilýde», - dep tolyqtyrdy Aqtóbe oblysynyń TJD bastyǵy.

Budan buryn Aqtóbe oblysynyń sý basýy múmkin aımaǵyna 43 eldi-meken kiretini, onda 12580 adam turatyny aıtylǵan bolatyn. Olar úshin jalpy syıymdylyǵy 14797 adam bolatyn 90 ýaqytsha ornalastyrý pýnktteri aldyn-ala belgilendi. Azyq-túlikpen, ystyq tamaqpen jáne kıimmen úzdiksiz qamtamasyz etý boıynsha 157 shart jasaldy. 82 shatyr, 3 myńnan astam kereýet, 300 myńnan astam tósek jabdyqtary daıyndaldy.