Búgin Almatydaǵy Tóle bı men Baıtursynov kósheleriniń qıylysyn polısıa qyzmetkerleri qorshaýǵa aldy.
Qamshy.kz aqparat agenttigi dereý Almaty qalasy İshki ister departamentine habarlasyp, mán-jaıdy anyqtady. Almaty qalasy İİD baspasóz hatshysy Saltanat Ázirbektiń aıtýynsha, polısıa bólimshesine sol mańdaǵy bankterdiń birine jarylǵysh zat qoıyldy degen aqparat kelip túsken.
«Oqıǵa ornyna shuǵyl jetken polısıa qyzmetkerleri ǵımaratty tekserip, jarylǵysh zat tappady. Jedel izdestirý sharalarynyń nátıjesinde jalǵan aqparat bergen kúdikti qolǵa tústi», - dedi Saltanat Ázirbek.
«Qaı banktiń ǵımaratyna jarylǵysh zat qoıyldy degen jalǵan aqparat berildi? Ustalǵan azamat kim?» - degen suraǵymyzǵa Saltanat Ázirbek: «Ázirge ony ózim de bilmeımin», - dep jaýap berdi.
