Jeti jastaǵy balanyń «zorlanýyna» baılanysty OQO-da birneshe shendi qyzmetinen bosatyldy, dep habarlaıdy Qamshy.kz aqparat agenttigi. Bul týraly Shymkentte ótken otyrysta oblys ákimi Janseıit Túımebaev málimdedi.
«Saryaǵash aýdany jergilikti polısıa qyzmetiniń basshysy Berdaly Orazgeldıev qyzmetinen bostatyldy. Saryaǵash aýdany men Abaı aýylynyń jergilikti polısıa qyzmeti bóliminiń basshylary jumystan shyǵaryldy. OQO ákiminiń ıdeologıa jónindegi orynbasary Ulasbek Sádibekov qatań eskertý aldy. Saryaǵash aýdanynyń ákimi qatań sógis aldy. Aýdandyq bilim basqarmasynyń basshysy Isataı Saǵyndyqov sógis aldy», - dedi Túımebaev.
Sondaı-aq oblys ákimi Saryaǵash aýdanynyń ákiminen aýdan ákiminiń ıdeologıa jónindegi orynbasaryna qatysty shara qoldanýyn talap etti.
Buǵan qosa, İİD basshysynyń buıryǵymen mektep ınspektory Narıman Jumabaev qyzmetinen bosatyldy. Al №73 jáne №74 mektep dırektorlary istiń mán-jaıy anyqtalǵansha qyzmetterinen shettetildi.
Búgin Shymkentte oblys ákimniń tóraǵalyq etýimen Saryaǵash aýdany Abaı aýylyndaǵy oqıǵaǵa qatysty otyrys ótip jatyr.
Kúni keshe bala quqyqtary jónindegi ýákil, depýtat Zaǵıpa Balıeva Shymkentke baryp, zardap shekti delingen balamen kezdesip qaıtty. Ol jýrnalıserge bergen suhbatynda balanyń jaǵdaıy turaqty ekenin, alaıda qaýipsizdigi úshin balany ázirge eshkimmen kezdestirmeý keregin eskertken edi. Al balany jaqyndarymen birge Astanaǵa aparatyn bolyp sheshti.
Aıta keteıik, «OQO-daǵy Saryaǵash aýdany Abaı aýylynyń jeti jastaǵy turǵyny zorlyqtyń qurbany boldy» degen habar BAQ-tyń nazaryna ilinip, áleýmettik jelilerde qatty talqylanyp jatyr.
