İs-sharaǵa Qazaqstan Respýblıkasy Joǵarǵy Sotynyń janyndaǵy Sot tóreligi akademıasynyń kafedra meńgerýshisi T.Q.Býrbaev, QR Ulttyq ekonomıka mınıstrligi Makroekonomıkalyq taldaý jáne boljamdaý departamenti dırektorynyń orynbasary A.O. Ahmetov, QR Ulttyq ekonomıka mınıstrligi Makroekonomıkalyq taldaý jáne boljamdaý departamentiniń basqarma basshysy m.a. N.A. Shaımahanov, QR Bilim jáne ǵylym mınıstrligi Joǵary jáne joǵary oqý ornynan keıingi bilim departamenti dırektorynyń orynbasary G.A. Seralın, sonymen qatar, Qazaqstan Respýblıkasynda tirkelgen dinı birlestikterdiń basshylary jáne ókilderi qatysty.

Jıynnyń kún tártibine sáıkes Qazaqstan Respýblıkasy Prezıdenti N.A. Nazarbaevtyń «Prezıdenttiń bes áleýmettik bastamasy» atty úndeýi talqylandy.

E. Ońǵarbaev óz sózinde «Bes áleýmettik bastamalar naqty maqsattar men anyq kórsetkishteri bar naqty áleýmettik baǵdarlama. Elbasymyzdyń bastamalary otandyq ekonomıkanyń naqty eseptelgen múmkindikterine negizdelgen, shynaıy bolyp tabylady» - dep atap ótti.

Dinı birlestikterdiń basshylary Prezıdenttiń áleýmettik bastamalaryn qoldaı otyryp, bul úndeýdi Memleket basshysynyń tarıhı sheshimi retinde moıyndady jáne bul búkil qazaqstandyq qoǵamnyń múddesin eskeretin ýaqtyly, turaqty, naqty, obektıvti ekenin aıtty.

Jıynnyń qatysýshylary halyqtyń ál-aýqatyn jaqsartýǵa baǵyttalǵan Elbasynyń bastamasyn qoldady.

Astana shirkeýiniń protoprıesti Baıdektiń aıtýynsha «Bes áleýmettik bastamalar», ol birinshi kezekte konfesıaaralyq kelisim men birlikke negizdelgen, bizdiń táýelsiz memleketimizdiń progresıvti damýynyń kórsetkishi bolyp tabylady.

Sondaı-aq «Qazaqstannyń dinı birlestikteriniń asosıasıasynyń» zańdy tulǵalar birlestiginiń basshysy A.V. Klúshev «Bes áleýmettik bastamalar» - memleketti odan ári áleýmettik damý men jańǵyrtýǵa baǵyttaıtyn baǵdarlama, memlekettiń áleýmettik saıasatynyń jańa deńgeıge shyǵýy. Áleýmettik-ekonomıkalyq máselelerdi sheshý qazaqstandyqtardyń ómir súrý sapasyn jaqsartatyny sózsiz».

Sonymen qatar, kezdesý barysynda Qazaqstannyń dinı birlestikter ókilderiniń jıyny atynan Naýryz meıramyn toılaýǵa baılanysty Qazaqstan halqyna quttyqtaý haty qabyldandy.