Birinshi synyp oqýshysyn zorlady degen jetkinshektiń tegi mektep dırektorynyń tegimen sáıkes, Seltanovtar ekeni belgili boldy. Taǵy da aıta keterligi aýdandyq máslıhat depýtaty, jábir kórdim degen balaǵa alǵash tekseris júrgizgen dáriger-ýrolog jáne OQO İİD krımınaldy polısıa bastyǵy da Seltanovtar bolyp shyqty.

Ashyq derekter qory da bul málimetti rastap otyr. 7 jastaǵy birinshi synyp oqýshysy Nursultan oqıtyn №74 mektep dırektory Beıbigúl Seltanova, OQO İİD krımınaldy polısıa bastyǵy Baýyrjan Seltanov jáne Saryaǵash aýdandyq máslıhat depýtaty Saparǵalı Seltanov ta bir meken-jaıda tirkelgeni belgili boldy.

Aıta ketetin bolsaq, Ońtústik Qazaqstan oblysynyń ákimi Janseıit Túımebaev Saryaǵash aýdany Abaı aýylynda oryn alǵan keleńsiz jaǵdaıǵa baılanysty jaýapty tulǵalarǵa eskertý men sógis bergen edi.