Astanada Ulttyq «Bala daýysy» án baıqaýy aıasynda 26 sáýirde ótetin saltanatty kesh elordanyń 20 jyldyq mereıtoıyna arnalmaq, dep habarlaıdy Astana qalasy ákimdiginiń resmı saıty. 

Qazaqstanda Álıa Nazarbaevanyń «Jandaný álemi» qorynyń biregeı jobasy Ulttyq «Bala daýysy» balalar án baıqaýynyń úshinshi maýsymy  óz bastaýyn aldy. Elimizdegi balalar arasynda ótetin eń aýqymdy án baıqaýyn osy jyly Qazaqstan Respýblıkasynyń Tuńǵysh Prezıdenti-Elbasynyń qory, Qazaqstan Respýblıkasynyń Mádenıet jáne Sport Mınıstrliginiń qoldady.

«Baıqaýdyń negizgi maqsaty – mýzykalyq jáne shyǵarmashylyq daryny bar balalardy anyqtaý jáne olarǵa qoldaý kórsetý, olardyń shyǵarmashylyq áleýetin júzege asyrýǵa jáne bolashaqta olardyń qabiletterin damytýǵa kómektesý», - deıdi uıymdastyrýshylar. 

Balalar án baıqaýyna qatysýǵa ótinimdi 15 naýryz ben 15 sáýir aralyǵynda túsirýge bolady. Elimizdiń shalǵaı aýdandarynda turatyn balalardy qamtý maqsatynda baıqaýdyń www.notka.kz resmı saıtynda onlaın-irikteý ótedi. 

«Baıqaýǵa 8-12 jas aralyǵyndaǵy balalar daıyndyq deńgeıine qaramastan,  qatysa alady. 18 eń úzdik bala ǵana baıqaýdyń Sýper fınalyna joldama alady.

Kúzde elimizdiń úzdik 18 daýysy «Juldyzdy arman úıinde», Alataýdyń baýraıynda ornalasqan «Bóbek»  Ulttyq ortalyǵynda bas qosady. Kúndelikti, kásibı mýzykanttar, horeograftar, stılıser balalardy Sýper-fınaldyń televızıalyq túsirilimderine  daıyndaıdy», - delingen taratylǵan habarlamada. 

Al 27 qazan men 8 jeltoqsan aralyǵyndaǵy ár senbi saıyn búkil el óz súıikti qatysýshysyna daýys bere alady. 

Baıqaýdyń barlyq kezeńderin kásibı qazylar alqasy jáne sms-daýys berý arqyly telekórermender baǵalaıdy.

Barlyq fınalıstter arnaıy syılyqpen marapattalsa, eń úzdik dep tanylǵan «Bala daýysy» elimizdiń tańdaýly mýzykalyq bilim ordasynda oqýǵa  Grantty, ertegi álemi Dısneılendke saıahat joldamasyn ıelenedi.

«Bala daýysy» baıqaýynyń sýper-fınaly 8 jeltoqsanda Astana qalasynyń «Qazaqstan» ortalyq konsert zalynda ótedi.