OQO Saryaǵash aýdanyny Abaı aýylyndaǵy daý áli basylmady. Qoǵam belsendileri Zaǵıpa Balıevanyń otstavkaǵa ketýin talap etip otyr. Sonymen birge Saparáli Seltanov pen Zaǵıpa Balıvanyń buryn qyzmettes bolǵany anyqtaldy dep jazady Qamshy.kz aqparat agenttigi. Bul týraly Amengeldi Batyrbekov óziniń feısýk paraqshasyna jarıalady.
Daý shyqqan metkeptiń dırektory jergilikti máslıhat depýtaty Saparáli Seltanovtyń kelini eken. Al, qaınisi bolsa OQO İshki ister departamentinde basshylyq qyzmette.
Eske sala ketetin bolsaq, Saryaǵashtaǵy oqıǵaǵa baılanysty kúmán týdyratyn sáıkestikter anyqtalǵan bolatyn.
Birinshi synyp oqýshysyn zorlady degen jetkinshektiń tegi mektep dırektorynyń tegimen sáıkes, Seltanovtar ekeni belgili boldy. Taǵy da aıta keterligi aýdandyq máslıhat depýtaty, jábir kórdim degen balaǵa alǵash tekseris júrgizgen dáriger-ýrolog jáne OQO İİD krımınaldy polısıa bastyǵy da Seltanovtar bolyp shyqty.
Ashyq derekter qory da bul málimetti rastap otyr. 7 jastaǵy birinshi synyp oqýshysy Nursultan oqıtyn №74 mektep dırektory Beıbigúl Seltanova, OQO İİD krımınaldy polısıa bastyǵy Baýyrjan Seltanov jáne Saryaǵash aýdandyq máslıhat depýtaty Saparǵalı Seltanov ta bir meken-jaıda tirkelgeni belgili boldy.
«Barshańyzǵa belgili, ombýdsmen Zaǵıpa Balıeva 1996 jyldan 2005 jylǵa deıin Qazaqstan Respýblıkasy Ortalyq saılaý komısıasynyń basshysy boldy. Al, bul ýaqytta Saparáli Seltanov Saryaǵash aýdany boıynsha saılaý komısıasynyń tóraǵasy edi. Zaǵıpa Balıeva bul kezde joǵaryda otyryp ne istegeni bizge belgisiz, onyń ústine qyzyq ta emes. Al, bizdiń "qurmetti" Saparáli Seltanovtyń nemen aınalysqanyn biz jaqsy bilemiz. Eger bilmeseńizder, biraq bilgilerińiz kelse Yotube portalynda «Saryagash-ınform 2. Bespredelnye vybory v Saryagashe» dep atalatyn vıdeorolıkti kórýlerińizge bolady 8 jyl boıy birge qyzmettes bolǵan «Balıeva Seltanovqa qıanat jasaı almaıdy», - dep jazdy Amangeldi Batyrbekov.
