Búgin 13-shi shaqyrylymdaǵy Búkilqytaılyq halyq ókilderi jınalysynyń tarıhı 1-sessıasynda QHR Memlekettik keńesi Premeriniń jáne basqa da konstıtýsıalyq organdardyń kandıdattary bekitildi, dep habarlaıdy Qamshy.kz aqparat agenttigi QazAqparatqa silteme jasaı otyryp.
QHR Memlekettik keńesiniń Premeri laýazymyna Lı Kesán, Ortalyq áskerı keńes tóraǵasynyń orynbasarlary retinde Súı Sılán jáne Chjan Iýsá bekitildi. Jańa konstıtýsıalyq qurylym - Memlekettik qadaǵalaý komısıasynyń tóraǵasy laýazymyna Ian Sáodý saılandy, Joǵarǵy halyq sotynyń tóraǵasy laýazymyna - Chjoý Sán, Joǵarǵy halyq prokýratýrasynyń bas prokýrory laýazymyna - Chjan Szún bekitildi.
Laýazymdy tulǵalardyń barlyǵy Konstıtýsıaǵa adal bolýǵa ant berdi. Bul rásim Qytaıdyń Negizgi zańyna engizilgen túzetýlerge sáıkes alǵash ret ótkizilip otyr.
