Zyránda kıimine aqsha jabystyryp alǵan jigit kóshe ortasyna shyǵyp,jurtty tań qaldyrdy dep jazady Qamshy.kz aqparat agenttigi altaynews.kz saıtynyń deregin negizge ala otyryp.  Sóıtsek ol qaıyrymdylyq jasaýdyń erekshe ádisin oılap taýypty. Qasyna «Aqsha kerek bolsa,al» degen jazý jazyp qoıǵan onyń áreketi, ótken-ketkendi tań qaldyrmaı qoımady.Bul ıdeıanyń avtory zyrándyq jas kásipker Iýrıı Tokarev.Al kıimdi kıip qala kóshesinde turýǵa nıet bildirgen marketolog maman Denıs Nıkorkın.

–  Men bul ıdeıanyń iske asýyn bir apta kúttim. Óıtkeni turǵyndardyń qalaı qabyldaıtyny óte qyzyq boldy,-deıdi ol.

Alaıda kıimine aqsha japsyryp,kim alsa sol alsyn dep turǵan jigitke eshkim jolaı qoımady. Kerisinshe oǵan qyzyqtap qarap turǵandar kóp boldy.

– Bul — tamasha ıdeıa. Bul jigit te myqty eken,uıalmaı el aldyna osylaı shyǵyp,kómek usynyp turǵan,-deıdi qala stýdentteri Andreı Porvatkın,Serik Ádilhanov, DáýletJanmýrzınovtar.

Degenmen  azdan soń bári ózgerdi, Eń aldymen jas jigittiń kıimindegi aqshalardy balalar julyp ala bastady. Shyrqaıyń aýylynan kelgen eki jasar Arman Rınatuly eki júz teńgeliktiń bireýin aldy. Ata-anasy  ol aqshaǵa  tátti alyp beremiz desti.

Sóıtip zyrándyqtar aksıaǵa aqyryndap aralasa bastady.  Sharanyń basty talaby-alynǵan aqshany nege jaratatynyńdy aıtý. Zeınetkerler dári-dármek alamyz dep,stýdentter túski asqa dep ala bastady. Al Jastar ortalyǵnyń qyzmetkerleri alǵan aqshalaryn aıagóz aýdanyna jóneltetindigin aıtty.

– Osylaısha kıimge 200 teńgeden japsyrylǵan 20 myń teńge 45 mınýttyń ishinde taratyldy. Aıta ketý kerek eshkim de ashkózdenip talap alǵan joq,tipti sańyraý azamattyń ózi kelip tek 400 teńge ǵana aldy,kóbirek alýdy usynǵan edim,joq osy da jetedi dep bas tartty. Tek taksısterdiń tábeti jaqsy eken, temeki alamyz dep birneshe eki júzdikti julyp aldy, — deıdi  aqsha taratqan jigit.

Turǵyndar tarapynan tań qalarlyq qadamdar da baıqaldy. Ótip bara jatqan bir jigit  aqsha alǵannyń ornyna, japsyryp al dep 200 teńge ustatyp ketken.