Pavlodardaǵy jetimder úıiniń tárbıelenýshisi Dáýlethan Aqanov NTV arnasyndaǵy «Ty sýper!» vokal baıqaýynyń ekinshi kezeńine ótti, dep habarlaıdy Qamshy.kz aqparat agenttigi.

«Dáýlethan án aıtqandy jáne fýtbol oınaǵandy jaqsy kóredi. Ol kásibı deńgeıdegi ánshi bolǵandy armandaıdy.  Dáýlethan Aqanov pen onyń baýyrlarynyń ákesi bar, biraq ol balalaryna tórt jyl boıy kelmegen. Nege ekenin belgisiz. Onyń sózinshe, balanyń ákesi basynda oǵan hat jazyp, syılyq jiberip júrgen, keıin baılanystary úzilip qalǵan. Dáýlettiń armany – analarymen birge turý. Analary qazir ana quqyǵyn qaıta alýǵa tyrysyp jatyr eken, Dáýlet bári jaqsy bolyp ketse eken dep tileıdi», – delingen telearna saıtynda. 

Pavlodarlyq jasóspirimniń ónerin Igor Krýtoı, Sergeı Lazarev, Iýlıana Karaýlovalar baǵalady, Vıktor Drobysh qana jasyl tetikti baspady. 

Iýlıana Karaýlovaǵa Dáýlethannyń sahnada ózin-ózi ustaýy qatty unaǵan. Alaıda qobaljýdyń saldarynan qatelikterdiń oryn alǵanyn da eskertti. Alaıda kelesi saıysta Dáýlethannyń keremet óner kórsetetinine senim bildirdi.