Memlekettik qyzmet isteri jáne sybaılas jemqorlyqqa qarsy is-qımyl agenttiginiń Pavlodar oblysy boıynsha departamentiniń ujymy bir kúndik jalaqysyn Shyǵys Qazaqstan oblysynyń sý tasqynynan zardap shekken turǵyndaryna kómek retinde aýdardy, dep habarlaıdy  Qamshy.kz aqparat agenttigi pavlodarnews.kz saıtyna silteme jasaı otyryp. 

«Biz Shyǵys Qazaqstan oblysyndaǵy áriptesterimizge habarlasyp, tasqynnan zardap shekken halyqqa ne qajet ekenin suradyq. Negizinen, bul qurylys materıaldary, azyq-túlik pen kıim-keshek. Jarty mıllıon teńge aýdaramyz dep kelistik. Bul aqshaǵa olar ózderine qajet zatyn satyp alady. Barlyq memlekettik qyzmetkerdi beıtarap qalmaı, bizge qosylýǵa shaqyramyz», — dedi departament basshysy Ádilbek Muqashev. 

Eske salyp ótsek, "Jas Otan" jastar qanatynyń qyz-jigitteri Pavlodarda sý tasqynynan zardap shekkenderge gýmanıtarlyq kómek qabyldaý pýnktin ashty. Pýnkt táýlik boıy jumys isteıdi. 

Kómek jınaýǵa tek iri kásiporyndar ǵana emes, qarapaıym turǵyndar da atsalysýda. Oblystyq máslıhat depýtattary mıllıon teńge jınap berdi.