«Saıran» avtovokzalynyń mańyndaǵy qoıý tútin qala turǵyndarynyń záresin ushyrdy, dep habarlaıdy Qamshy.kz aqparat agenttigi QazAqparatqa silteme jasaı otyryp.
«Saırandaǵy» býdaqtaǵan qoıý qara tútin jol shetinde órtengen dúńgirshekten shyqqan. Oqıǵa ornyna jedel jetken órt sóndirýshiler ony sóndirgen. «18 naýryz kúni 12:06-da Almaty TJD «101» púltine Áýezov aýdany, Tóle bı kóshesindegi «Saıran» avtovokzalynyń mańynda tutanǵan órt týraly habar tústi. 12:12-de órt sóndirýshiler jetip bardy.
10 sharshy metr aýdanǵa ıe kıoski órtengen eken. Jalyn 12:15-te aýyzdyqtalyp, 12:19-da tolyqtaı sóndirildi. Gaz balony evakýasıalandy. Eshkim zardap shekken joq», - dep málimdedi Almaty TJD resmı ókili Sandýǵash Baımuhambetova.
