Búgin atmosferalyq fronttardyń ótýine baılanysty Qazaqstannyń basym bóliginde jaýyn jaýady. Tek batysta, ońtústik-shyǵysta jaýyn-shashynsyz aýa raıy kútiledi. Respýblıkanyń keı jerlerinde jeldiń kúsheıýi, tuman, kóktaıǵaq, burqasyn kútiledi dep jazady Qamshy.kz aqparat agenttigi. 

Bul týraly QR İİM TJK baspasóz qyzmeti habarlaıdy. Jambyl oblysynyń keı jerlerinde tuman, kóktaıǵaq bolyp, jeldiń kúsheıýi 15-20 m/s, tańerteń jáne kúndiz ekpini 23-28 m/s-ǵa jetedi. Qaraǵandy, Aqmola oblystarynyń keı jerlerinde tuman, kóktaıǵaq bolyp, burqasyn soǵady jáne jeldiń jyldamdyǵy 15-20 m/s-ǵa deıin kúsheıedi.

Qyzylorda, Soltústik Qazaqstan, Qostanaı oblystarynyń keı jerlerinde tuman, kóktaıǵaq bolady, jeldiń jyldamdyǵy 15-20 m/s-ǵa jetedi. Shyǵys Qazaqstan oblysynyń túnde jáne tańerteń keı jerlerde tuman, kóktaıǵaq bolady, kúndiz keı jerlerde jeldiń kúshi 15-20 m/s-ǵa jetedi. Ońtústik Qazaqstan oblysynyń keı jerinde tuman túsedi, tańerteń jáne kúndiz jeldiń jyldamdyǵy 15-20 m/s-ǵa deıin kúsheıýi kútiledi.

Pavlodar oblysynyń keı jerlerinde jeldiń kúsheıýi 15-20 m/s bolady, kúndiz keı jerlerinde kóktaıǵaq kútiledi. Mańǵystaý oblysynyń keı jerlerinde tuman, kúndiz jeldiń jyldamdyǵy 15-20 m/s-ǵa jetedi. Atyraý, Batys Qazaqstan, túnde Almaty oblystarynda tuman kútiledi.