Qazaqstanda jastarǵa arnalǵan Jastar1 telearnasy jumysyn bastaıdy. Bul týraly «Baıtaq Bolashaq» RQB prezıdenti Azamathan Ámirtaı Feısbýktegi paraqshasynda jazdy, dep habarlaıdy Qamshy.kz aqparat agenttigi.

— Naýryz aıynda elimizde jańa telearnanyń tusaýy kesilmek - Jastar1. Onda qazirgi jastarǵa eń qajetti, eń paıdaly baǵdarlamalar kórsetilmek. Telearnanyń negizin qalaýshy - tájirıbeli medıamenedjer İlıas Basharuly Ysqaqov. Kezinde «Qazaqstan» ulttyq arnasynyń eń sapaly jobalaryn iske qosqan aǵamyz. Endi bar kúshin atalǵan arnaǵa salmaq. «Baıtaq-Bolashaq» alánsy da telearnanyń ashylýyna óz úlesin qosty. Táýelsizdik kezindegi jeke azamattardyń úlesimen ashylyp otyrǵan birinshi qazaq telearnasy! Sonymen, jańa jylda jańa arnany kórińizder!, — dep jazdy ol.