Taldyqorǵan qalasynyń ákimdigi jyl saıyn atalǵan baǵytta jumys atqaratyn komısıanyń is-josparyn belgilep, ony bekitip otyrady.
Joǵaryda atap kórsetilgen jospar mindetterin oryndaý maqsatynda 2017 jyly oblys ortalyǵy aýmaǵynda oblystyq jáne qalalyq prokýratýra qyzmetkerleriniń, sondaı-aq, UQK departamentiniń, «Nur Otan» partıasynyń oblystyq jáne qalalyq fılıaldary men BAQ ókilderiniń qatysýymen dóńgelek ústel, semınarlar, aksıalar, konferensıalar, pikirtalastar, birqatar kezdesýler men reıdter t.s.s. ótkizildi. Qalanyń barlyq joǵary oqý oryndarynda quqyq qorǵaý oryndarynyń, prokýratýranyń, UQK jáne Almaty oblysyndaǵy Sybaılas jemqorlyqqa qarsy kúres jónindegi Ulttyq búro qyzmetkerleriniń tikeleı qatysýymen jemqorlyqqa qarsy kúres taqyryptaryna arnalǵan dárister ótkizý uıymdastyryldy.
Osyndaı is-sharalardyń ótýi barysynda oblystyq jáne qalalyq buqaralaq aqparat quraldarynyń betterinde, jergilikti teledıdar men radıoda sybaılas jemqorlyqqa qarsy qalalyq memlekettik organ basshylary sóz aldy. Baspasóz betterinde 27-den astam maqalalar jarıalandy. «Jetisý» telearnasynda Taldyqorǵan qalasy ákimi apparatynyń Memlekettik zań jáne memlekettik-quqyqtyq bóliminiń basshysy A. Batholdınovanyń qatysýymen Qazaqstan Respýblıkasynyń 2015-2025 jyldarǵa arnalǵan Sybaılas jemqorlyqqa qarsy strategıasyn iske asyrý jáne kóleńkeli ekonomıkaǵa qarsy is-qımyl men sybaılas jemqorlyqqa qarsy kúrestiń ózekti máseleleri týraly habar taratyldy.
Qala aýmaǵynda 2 banner ornatylǵan, al «Jastar» saıabaǵynda sandyq beınebetten turaqty 1 beınebaıan. ekrany ornatylǵan.
Taldyqorǵan qalasy ákimdiginiń barlyq qurylymdyq bólimshelerinde quqyqtyq jalpy bilim berý aıasynda jumys júrgizilýde. 2017 jyl boıynsha sybaılas jemqorlyqqa qarsy zańnamaǵa negizdelgen 2 taqyryptyq otyrys ótti.
Memlekettik qyzmetshilerge qoıylatyn talaptardyń artýyna qatysty memlekettik organdardyń, memlekettik uıymdardyń jáne memlekettik qatysý úlesi bar uıymdardyń basshylaryna sybaılas jemqorlyqqa qarsy is-qımyl úshin tikeleı jaýapkershilik júkteldi.
Barlyq memlekettik qyzmetkerler nazaryna zań júzinde bekitilgen mindetter jetkizildi, olar: ózderine belgili bolǵan barlyq sybaılas jemqorlyq jónindegi quqyqbuzýshylyq jaǵdaılar týraly óz basshylyǵyna nemese quqyq qorǵaý organdaryna habarlaý, bul talapty oryndamaǵandardy tártiptik jaýapkershilikke tartý. Sondaı-aq, azamattardyń sybaılas jemqorlyqqa qarsy áreketterin memleket tarapynan yntalandyrý, ondaı qylmystardyń aldyn alýǵa jáne olardy ashýǵa kómek kórsetkenderi úshin marapattaý tetikteri, memlekettik qyzmetkerlerdiń qarjylyq kiris- shyǵystaryn baqylaý sharalary túsindirildi.
Sonymen qatar, memlekettik organdardaǵy sybaılas jemqorlyqqa qatysty quqyq buzýshylyq jasaýǵa qolaıly jaǵdaı týǵyzatyn laýazymdar tizbesin aıqyndaýǵa baılanysty erejeler men normalar, sondaı laýazymdar boıynsha atqarylatyn qyzmetterge qabyldaý úshin kúsheıtilgen talaptardy engizý tártibin túsindirý jumystary júrgizildi. Basqasha aıtqanda, osyndaı laýazymdardy atqaratyn tulǵalardyń arnaıy tekserýlerden ótkiziletini, sonyń ishinde olardyń adaldyǵyn tekserýge baǵyttalǵan testileý men sybaılas jemqorlyqqa ıtermeleıtin ártúrli oıyndyq jaǵdaılar úlgileri qoldanylatyn psıhologıalyq synaqtar júrgiziletini túsindirildi. Al, ol synaqtar keri nátıjeler kórsetse, laýazym ıeleriniń memlekettik qyzmetten bosatylatyny anyq.
Osyndaı jumystardyń tabysty bolýy úshin barlyq is-sharalar Almaty oblysynyń memlekettik qyzmet isteri jónindegi Departamentiniń aýmaqtyq bólimshesimen birlese júrgiziledi. Memlekettik qyzmet isteri jónindegi Almaty oblystyq Departamentine melekettik qyzmetkerler týraly, buryn memlekettik qyzmet atqarǵan adamdar jaıly málimetterdiń birtutas elektrondyq bazasyn júrgizý maqsatynda ártúrli esep berý formalary berilip turady. Bul memlekettik qyzmetke laıyq adamdardy sapaly túrde irikteýge, joǵary laýazymdy qyzmetterge durys taǵaıyndaýlar júrgizilýine jaqsy múmkindikter berip qana qoımaı, buryn atyna kir keltirgen adamdardyń memlekettik qyzmetke kirýine bógesin de bolady.
Sybaılas jemqorlyqpen kúres júrgizý jumystarynyń mańyzdy bir tusy jáne memlekettik organdarda atqarylyp jatqan isterdiń ashyqtyǵyn, jarıalylyǵyn aıqyndaıtyn kórsetkishterdiń biri – aqparattyq júıeler men tehnologıalardy, Internet-resýrstardy, WEB – portaldardy, saıttardy t.b. paıdalaný jáne qoldaný deńgeıi.
Qalalyq memlekettik organdar qyzmetiniń jarıalylyǵyn jáne ashyqtyǵyn qamtamasyz etý, jeke jáne zańdy tulǵalardyń quqyqtary men zańdy múddelerine qatysty máseleler jóninde túsinistik qalyptastyrý maqsatynda qala ákimdiginiń resmı saıty, qala ákiminiń jeke blogy, áleýmettik júıelerde, TWITTER-de, FaceBook-te t.b. ornalasqan qala basshylarynyń elektrondy baılanys málimetteri bar. Bul málimetter men elektrondyq mekenjaılar, sondaı-aq, barlyq jergilikti BAQ-ta jarıalanǵan.
Qala ákimdigine qatysty memlekettik organdardyń Qazaqstan Respýblıkasy qabyldaǵan jáne 2016 jylǵy 01 qańtardan iske qosylǵan “Aqparatqa qoljetimdilik týraly” Zańdy keńinen qoldanýy erekshe nazarda. Bul zań boıynsha ár azamattyń aqparatty erkin túrde, zań júzinde tyıym salynbaǵan ádispen alýyna jáne taratýyna konstıtýsıalyq quqyǵy bar. Atap aıtqanda:
1) Saýal boıynsha aqparat alý;
2) Aqparatty Internet-resýrsta ornalastyrý, t.s.s.
Qala ákimdiginiń resmı saıtynda aqparat ıesi retindegi memlekettik organdardyń qyzmeti týraly jalpy aqparat ornalastyrylǵan. Onyń ishinde tómendegideı aqparattar bar. Ujymdyq qurylym, olardyń basshylary týraly málimetter, resmı jańalyqtar, memlekettik jáne salalyq baǵdarlamalar, konsepsıalar, doktrınalar, aýmaqtardy damytý baǵdarlamalary men josparlary, strategıalyq josparlar men basqa da kóptegen mańyzdy máseleler jaıly maǵlumattar.
Sondaı-aq, “Azamattarǵa arnalǵan úkimet” jáne “Elektrondyq úkimet” arqyly elektrondyq baılanys kómegimen birqatar memlekettik kómek kórsetý qyzmeti bolýy múmkin sybaılas jemqorlyq kórinisteriniń aldyn alýǵa jáne jemqorlyq sıpatyndaǵy is-áreketterdiń jolyn kesýge jaǵdaı jasaıdy.
Qala ákimdiginiń qurylymdyq bólimsheleri 92 memlekettik qyzmet túrlerin kórsetedi.
2017 jyly barlyǵy 71403 memlekettik qyzmet kórsetildi. (2016 jyly – 81638).
Turǵyndardy qajetti málimettermen qamtamasyz etý, memlekettik qyzmet kórsetý jaǵdaıynan habardar etý maqsatynda “Taldyqorǵan”, “SAPA Taldyqorǵan”, “Taldyqorǵan aqshamy” gazetterinde jáne qala ákimdiginiń resmı saıttarynda, jalpy alǵanda, 73 maqala, habarlandyrý jáne basqa da materıaldar jarıalandy.
Aıta ketý kerek, 2016 jylǵy 01 qańtarda birqatar zańnamalyq aktilerdiń kúshine enýine baılanysty oblys ortalyǵynda qoǵamdyq keńesterdi qurý jónindegi uıymdastyrý sharalary qolǵa alynǵan.
Máselen, Qazaqstan Respýblıkasynyń 2015 jylǵy 2 qarashada qabyldanǵan “Qoǵamdyq keńester týraly” Zańyna sáıkes qala aýmaǵynda “Taldyqorǵan qoǵamdyq keńesi” qurylǵan. Bul Qoǵamdyq keńes quramynyń 2/3 bóligi azamattyq qoǵam ókilderinen turady, 1/3 bóligin ǵana memlekettik organdar ókilderi quraıdy.
Qoǵamdyq keńes qyzmetiniń maqsaty – qoǵamdyq mańyzy bar máseleler boıynsha azamattyq qoǵamnyń pikirin bildirý. Ol máseleler: búdjettik baǵdarlamalar jobalaryn, aýmaqty damytýdyń strategıalyq jobalaryn, búdjettik baǵdarlamalardyń oryndalýyn, qarjylyq kiris-shyǵys máselelerin, qaıyrymdylyq sharalarynan túsken qarjynyń paıdalanylýyn, taǵy da kóptegen mańyzdy máselelerdi talqylaýǵa qatysyp, pikir bildirý.
Atalǵan Zań normalaryn júzege asyrýdyń memlekettik sheshimderdiń jarıalylyǵyn bildireri anyq.
Bul istiń tabysty bolýyna Qazaqstan Respýblıkasy kásipkerleriniń “Atameken” Ulttyq palatasynyń aýmaqtyq qurylymy – Almaty oblystyq kásipkerler Palatasy arqyly zor yqpal etip otyrǵanyn aıta ketýdiń úlken mańyzy bar. Osy oblystyq qurylym músheleri qala ákimdigi janynda jumys isteıtin búdjettik, jer komısıalarynyń, aýylsharýashylyǵy taýarlaryn óndirýshilerge sýbsıdıalar belgileý jáne tóleý jónindegi vedomstvoaralyq komısıanyń quramdarynda ıgi ister atqarýda.
Sonymen birge, qalalyq ákim men ákimdik janynda jumys júrgizetin ártúrli máseleler jónindegi komısıalardyń, jumys toptarynyń, t.b. jumysyna komersıalyq emes jáne qoǵamdyq birlestikterdiń qatysýy qamtamasyz etilýde. Olardyń joǵaryda atalǵan quramdarǵa músheligi keminde 50% mólsherde.
Qala ákimdigi men qalalyq memlekettik organdar basshylarynyń azamattyq qoǵam ınstıtýttarynyń, qoǵamdyq jáne úkimettik emes uıymdardyń ókilderimen kezdesýlerin júıeli túrde uıymdastyryp turý tájirıbege engizilýde. Olarmen birlese áreket jasap, áriptestik ornatý jóninde memorandýmdar bekitilgen.
Bul saladaǵy jumysta jeke jáne zańdy tulǵalar ózderine málim sybaılas jemqorlyq, memlekettik organdar tarapynan jasalǵan zańsyzdyq áreketteri faktileri týraly habarlaı alatyn “Senim telefondarynyń”, poshta jáshikteriniń mańyzy zor ekeni belgili. Qazirgi ýaqytqa deıin ondaı málimetter men habarlamalar túsken joq.
Qala ákimdigi memlekettik tirkeýden ótken barlyq normatıvtik-quqyqtyq aktilerdiń talaptaryn oryndaýdy basty nazarda ustaýda. Ol aktiler óz merzimderinde gazetterde jáne qala ákimdiginiń saıtynda jarıalanyp turady. Normatıvtik-quqyqtyq aktilerdiń qalalyq ákimdiktiń atalǵan jumys salasyna qatysty qaýlylary men sheshimderiniń oryndalýyna, turǵyndardyń aryz-shaǵymdaryna turaqty túrde monıtorıń júrgiziledi.
Taldyqorǵan qalasy ákiminiń jarlyǵymen (2017 jyl, 15 naýryz, №86) qala aýmaǵynda sybaılas jemqorlyqtyń aldyn alý jónindegi aqparattyq-nasıhattyq top qurylǵan. Ol top qazirgi ýaqytta belsendi túrde jumys júrgizýde.
Qosymsha túrde aıtarymyz: oblys ortalyǵynda Taldyqorǵan ákiminiń sheshimimen “Bolashaqqa – parasyz. Birge!” jobasyn júzege asyrý maqsatynda sybaılas jemqorlyqqa qarsy belsendi top qurylǵan. Qazirgi ýaqytta bul top músheleri turǵyndar arasynda sybaılas jemqorlyqqa qarsy zańnamany túsindirý jumysymen aınalysýda.

Taldyqorǵan qalasynyń ákimi

Baǵdat Qarasaev