Almaty oblysynda «Kedergisiz keleshek» partıalyq jobasy aıasynda oblystyq jastar saıasaty máseleleri basqarmasy, «Jas Otan» Jastar qanaty men nashar estıtin jáne sańyraý balalarǵa arnalǵan arnaýly mektep-ınternatynyń qolǵa alýymen «Júrekten júreke» aksıasy uıymdastyryldy.

Almaty oblysy jastar saıasaty máseleleri basqarmasy, jastar resýrstyq ortalyǵy, “Jas Otan” JQ uıytqy bolýymen múmkindigi shekteýli jastar arasynda  “Júrekten júrekke” baıqaýy ótti. Atalmysh oblystyq baıqaý Astana qalasynyń 20 jyldyq merekesi qarsańynda uıymdastyryldy.

Sharanyń maqsaty – oblysymyzǵa  qarasty shalǵaı aýdan, qalalardaǵy múmkindigi shekteýli jastardyń shyǵarmashylyq deńgeıin  damytýǵa barynsha qoldaý kórsetý, olardyń erekshe qabiletterin kópshilikke tanystyrý. Úmitkerler 5 kezeń boıynsha ózara synǵa tústi.  Eń áýeli  sporttyq sharada belsendilikterimen kózge tússe, keıingi bólimderde qolóner buıymdaryn jasaý, sýret salý,  bı bılep, án shyrqaý syndy shyǵarmashylyq qyrlaryn tanytty.

«Búgingi sharanyń basty maqsaty – múmkindigi shekteýli jastardyń ómirge degen qushtarlyǵyn arttyryp, ónerge beıimdeý, erekshe qabilettilerin kópshilikke tanystyryp, sahnaǵa shyǵarý», - deıdi baıqaýdy uıymdastyrǵan oblystyq «Jas Otan» Jastar qanatynyń belsendileri.

Oblystyq jastar resýrstyq ortalyǵynyń dırektory B.Jaqsygeldınov: “Biz jastar bolyp, jalpy halyq bolyp,  múmkindigi shekteýli azamattardy syrtqa shektetpeı, kerisinshe qoǵamda belsendi bolýlaryna yqpal etýimiz kerek. Osyndaı shyǵarmashylyq baıqaýlar arqyly ómirge degen qushtarlyqtary artady dep oılaımyz ”- dep atap ótti.

Uıymdastyrýshylardyń aıtýynsha  bıylǵy jyly qatysýshylar  qatary áldeqaıda  kóbeıgen. Jambyl aýdanynyń  óreni Meıirjan Matısh te atalmysh baıqaýǵa qatysýdy armandaǵan eken. Alaıda,   jas talant ıesi saıystan bes kún buryn dúnıeden ótip, qaıǵyly jaǵdaı oryn alǵan. Degenmen, qylqalam sheberiniń týyndylary kórmege qoıylyp, kópshiliktiń joǵary baǵasyna ıe boldy.