Sońǵy úsh táýlikte qalany 20-25 mıllıon metr kýb basty. Osy ýaqyt ishinde sýdy burýǵa kóp kush jumsaldy dep habarlaıdy Qamshy.kz aqparat agenttigi Óskemen qalasynyń ákimdigine silteme jasap.

Sý Abaı dańǵylymen Internasıonalnaıa kóshesine, Menovnoe aýylyna jáne basqa shaǵyn aýdandarǵa qaraı ketken. Qazir úılerdiń aýmaǵy sýdan tazartylyp jatyr. Alaıda áli de Mahovka ózeniniń aınalasyna qaýip tónip tur.

Ulttyq gvardıa men apattyq-qutqarý qyzmeti úlken kómek kórsetip jatyr. Evakýasıalyq pýnktterge  adamdar kelip túsip, barlyǵy jyly kıimmen, azyqpen qamtamasyz etilýde. Ár otbasymen psıhologtar jumys istep jatyr. Zardap shekkender «Óskemen-Tártip» qyzmetkerlerimen jumys istep, turǵyn úılerin jartylaı qalypqa keltirý jumystarymen aınalysady.