Nevada shtatynyń atletter komısıasy (NSAC) meksıkalyq boksshy Saýl "Kanelo" Alvarestiń dopıng isi boıynsha alǵashqy sheshimin shyǵardy, - dep habarlaıdy Qamshy.kz aqparat agenttigi. Bul týraly Vesti.kz jazdy.

Naýryz aıynyń basynda Alvarestiń 17 jáne 20 aqpanda tapsyrǵan dopıng-synamasynan klenbýterol degen tyıym salynǵan zattyń tabylǵany habarlanǵan. Boksshynyń komandasy muny jelingen ettiń quramynda boldy dep túsindirgen. Kelesi úsh dopıng-synaqty meksıkalyq AQSH-ta tapsyryp, onda tyıym salynǵan zat tabylmaǵan.

Los Angeles Times jýrnalısi Lens Pagmaıerdiń habaryna qaraǵanda, Alvares 10 sáýirge deıin ýaqytsha shettetilgen, osy kezde onyń máselesi boıynsha komısıa kezdesýi ótedi. NSAC basshysy Bob Bennent bul málimetti BoxingScene basylymyna rastap otyr, meksıkalyq ne telefon arqyly jaýap beredi, ne otyrysqa ózi kelip qatysady.

10 sáýirde NSAC Alvarestiń ýaqytsha shettetilýine qatysty qorytyndy sheshim shyǵarady. Al osy aptada uıym onyń promoýteri Erık Gomespen jáne Golovkınniń promoýteri Tom Lefflermen kezdesti.

Munyń aldynda Golovkın osy másele boıynsha mańyzdy málimdeme jasaǵan edi. Onyń aıtýynsha, birinshi jekpe-jektiń aldynda Alvarestiń bulshyqetterinde ıneniń izderi bolǵan. Sonymen qatar, ol Alvares pen Oskar De La Hoııany ótirikshiler dep atady. Sondaı-aq, birinshi jekpe-jekte teń tústi dep sheshim shyǵarǵandardy túrmege qamaý keregin aıtqan.

Osydan keıin Alvares jattyǵý kezinde túsirilgen vıdeony Instagram arqyly jarıalady, ol vıdeonyń astyna balaǵat sózder jazǵan. Eki habarlama da Golden Boy promoýterlik kompanıasynyń paraqshasynda qaıtalandy, ol kompanıanyń prezıdenti Erık Gomes buǵan deıin Golovkınge ses kórsetken bolatyn.

Eske sala keteıik, 5 mamyrǵa belgilengen Golovkın - Alvares arasyndaǵy revansh mach Las-Vegasta T-Mobile arenasynda ótedi.

Golovkın men Alvarestiń alǵashqy jekpe-jegi 2017 jyldyń 16 qyrkúıeginde Las-Vegasta ótken bolatyn. 12 raýndqa sozylǵan jekpe-jek teń eseppen aıaqtalǵan edi.