2018 jyldyń 1 naýryzda Qazaqstan zańgerler odaǵy múshelerimen Energetık aýyldyq okrýgi ákimdigimen birlesip, qoǵamdyq uıym ókilderiniń, notarıýstar men advokattardyń qatysýymen «Alǵys aıtý kúni» ótkizildi.
Bul aıtýly kún 2016 jyldan bastap qazaq jerinde toılanýda. Máselen, osy jyly 20 aqpannan bastap oblys aýmaǵynda dekada jarıalandy. Jyl saıynǵy dástúr boıynsha barlyq aýdandar men qalalarda «Qaıyrymdy El» jalpy respýblıkalyq aksıasynyń aıasynda 527 qaıyrymdylyq sharalary uıymdastyryldy. Onda 2433 adamǵa jalpy 24 689 000 teńge kóleminde áleýmettik kómek kórsetildi.
Alǵys aıtý kúni – ár etnos ókilderiniń qasıetti qazaq jeri men qonaqjaı halqymyzǵa tereń taǵzymynyń belgisi, taǵdyr toǵystyrǵan Qazaqstannyń kópetnosty halqynyń ortaq tarıhyn qurmetteý kúni.
İs-sharanyń maqsaty - memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda túsindirý jumystaryn júrgizý.
Sonymen qatar, jalpy respýblıkalyq “Qarttarym-qazynam” qaıyrymdylyq konserti, “Tatý kórshiler” aksıasynyń aıasynda “Qaıyrymdy kórshige rahmet” sharasy, “Medıasıa ortalyǵynyń” ashyq esik kúnderi, bilim berý mekemelerinde synyp saǵattary, ashyq sabaqtar, esseler, sýretshiler baıqaýy, densaýlyq saqtaý mekemeleriniń “Salaýatty El – bolashaq negizi” ashyq esik kúni, etnomádenı birlestikterdiń jastarynyń aǵa býyn ókilderimen “Alǵys arqalaǵan jandar” taqyrybynda kezdesýler ótip jatyr.
İs-shara barysynda kúrdeli zamanda qysqa merzim ishinde Elbasynyń basshylyǵymen Táýelsiz Qazaqstandy qurý jolynda aıanbaı ter tókken elimizdiń barlyq azamattaryna qurmet aıtyldy, atalǵan mereke qazaqstandyq birlik pen biregeıliktiń, qoǵamdyq kelisimniń, biriktirýshi jalpyulttyq tarıhı sananyń nyǵaıýyna yqpal etetini sózsiz.
«Halqymyz qashan da «yrys aldy – yntymaq» dep basa aıtqan. Qazaqstan halqy Assambleıasy uıymdastyrǵan barlyq deńgeıdegi sharalarǵa árdaıym aqparattyq qoldaý tanytyp júrgen sizderge de alǵys aıta otyryp, eńbekterińizge jemis, zor densaýlyq tileımin. On kúndikte ótkizilgen árbir jaǵymdy jańalyqty, taǵylymdy sharany Jetisý jurtshylyǵyna jetkizgenderińiz úshin rahmet», – dep Almaty oblystyq Qazaqstan halqy Assambleıasy janyndaǵy Qoǵamdyq kelisim keńesiniń tóraǵasy Jaqıanov Oralbek konferensıany qorytyndylady.
Deportasıa bastalǵan qıyn-qystaý kezeńde bizdiń ata-apalarymyz ózge etnos ókilderin baýyryna basyp, qamqor qushaǵyna aldy. Úılerinen oryn berip, bir úzim nany men jarty qurtyn bólisip jedi. Osylaısha, keńpeıildigi men darhandyǵyn tanytty. Kelgen aǵaıyndar da qol qýsyryp qarap otyrmady. Qolyna kúrek pen ketpen alyp, eginshilikpen aınalysty.
Alǵys aıtý kúni – taǵdyr toǵystyrǵan Qazaqstannyń kóp etnosty halqynyń ortaq tarıhyn qurmetteý kúni desek te artyq emes. Birtutas azamattyq qaǵıdattaryna negizdelgen qazaqstandyq qoǵamdy damytý arqyly el birligin nyǵaıtýdyń jarqyn úlgisi. Alǵys aıtý degenimiz – qaıyrymdylyq dástúrlerin, áleýmettik yntymaqty jáne ózara kómek kórsetýdi qoldaý kúni.
Alǵys aıtý kúni – Elbasynyń beıbitshilik pen kelisim saıasatynyń saltanat qurǵan kúni.
Bul mereke qazaq halqynyń keńpeıil, jomart, qonaqjaı, meıirimdi jáne yntymaqshyl ádet-ǵurpynan bastaý alatyn tarıhı dástúrlerine negizdelgen.
Aıta ketsek, Qazaqstan Respýblıkasynyń Prezıdenti N.Á.Nazarbaev 2016 jylǵy 14 qańtarda Qazaqstan halqy Assambleıasynyń qurylǵan kúni – 1 naýryzdy Qazaqstanda alǵys aıtý kúni dep jarıalaý týraly №173 Jarlyqqa qol qoıǵan bolatyn.
