Alakól aýdanynda Elbasy Joldaýynyń V-baǵyty turǵyn úı-kommýnaldyq ınfraqurylymyn jetildirý baǵytynda aýqymdy jumystar atqarylýda.

Qurylys salasy boıynsha 7561 sharshy metr turǵyn úı kiriske alynyp, qurylys jumystarynyń kólemi 9215 mıllıon teńgeni qurady. 2016 jylmen salystyrǵanda jumys kólemi 129%-ǵa artty. Bul týraly Óńirlik komýnıkasıalar qyzmeti alańynda Alakól aýdanynyń ákimi Álibek Jaqanbaev baıandady.

Ótken jyly «Nurly jer» baǵdarlamasy aıasynda 140,6 mıllıon teńgege Úsharal qalasynda kóp qabatty 20 páterli turǵyn úıler qoldanysqa berildi. 6 eldi mekenderde 128 mıllıon teńgege ýchaskelik polısıa pýnkti, 2 eldi mekende 34,7 mıllıon teńgege veterınarlyq pýnktiniń qurylysy salyndy.

«Aýdanda kóp qabatty turǵyn úıler salýǵa bólingen 22 gektar jerge jáne jeke menshik turǵyn úıler salýǵa bólingen 150 gektarǵa ınjenerlik-kommýnıkasıalyq júıesin júrgizýge jobalaý smetalyq qujattaryn daıarlaýǵa 20,6 mıllıon teńge bólinip otyr», – deıdi Álibek Áskerbekuly.

Sonymen qatar, aǵymdaǵy jyly «Nurly jer» baǵdarlamasy aıasynda Úsharalqalasynda 447 mıllıon teńgege 60 páterli jaldamaly turǵyn úı jáne 274 mıllıon teńgege 13 eldi mekende ýchaskelik polısıa pýnkti men japsarlas turǵyn úıi salynyp, paıdalanýǵa beriledi.

Úsharal qalasyna 20 páterli jaldamaly 2 turǵyn úı qurylysyn salý josparlanýda. Dostyq aýylyna 20 páterli jalgerlik turǵyn úıi men sport saýyqtyrý kesheni, al Qabanbaı aýylynda 10 turǵyn úıdiń qurylysyn salý máselesi qarastyrylyp jatyr.