Grýzıanyń Adjarıa taýly aımaǵyn qyzyl qar basyp qaldy, dep jazady Qamshy.kz aqparat agenttigi sheteldik BAQ-tyń deregin negizge ala otyryp. Tabıǵattyń bul tosyn qubylysy Soltústik Afrıka men Taıaý Shyǵys elderinde bolǵan shańdy daýyl saldarynan bolǵan.
Ekolog mamandardyń aıtýy boıynsha, Jerorta teńizinen soqqan jel Grýzıaǵa deıin jetken. Mundaı sıpattaǵy jaýyn-shashyn tek Grýzıada ǵana emes Reseıdiń Krasnodar ólkesinde baıqalypty. Usaq shańdar qarmen birge ǵana túspegen, sondaı-aq Grýzıanyń keıbir jerlerinde sary qum aralas jaýyn da jaýǵan. Sınoptıkter qyzyl qar jáne shań aralas jaýyn-shashyn adamnyń densaýlyǵyna nemese qorshaǵan ortaǵa qaýipti emes ekendigin aıtady.
